ലണ്ടൻ: ലണ്ടനിലുള്ള തിരുവനന്തപുരം അതിരൂപതയിലെ വിഴിഞ്ഞം ഇടവകാംഗങ്ങൾ തങ്ങളുടെ സ്വർഗ്ഗീയ മധ്യസ്ഥതയുടെ തിരുനാൾ ആഘോഷിക്കുന്നു. 2025 ജനുവരി 5 ഞായറാഴ്ച ലണ്ടനിലെ പൊള്ളാർഡ്‌സ് ഹിൽസിലെ സെയിന്റ് മൈക്കിൾസ് ദൈവാലയത്തിലാണ്‌ തിരുനാളാഘോഷം നടക്കുന്നത്. ഇടവക ദൈവാലയത്തിൽ തിരുനാളാഘോഷിക്കുന്ന അതേദിനം തന്നെയാണ്‌ ലണ്ടനിൽ പ്രവാസ ജീവിതം നയിക്കുന്ന ഇടവകാംഗങ്ങളും തിരുനാളാഘോഷിക്കുന്നത്.
ലണ്ടൻ സമയം ഉച്ചയ്ക്ക് 2.30 മണിക്ക് (ഇന്ത്യൻ സമയം 8.00 pm) തിരുകർമ്മങ്ങൾ ആരംഭിക്കും. ജപമാല, നൊവേന, ആഘോഷമായ ദിവ്യബലി, ആരാധന എന്നീ തിരുകമ്മങ്ങളാണ്‌ തിരുനാളാഘോഷത്തിന്റെ ഭാഗമായി നടക്കുക. ദിവ്യബലിക്ക് ഫാ. . വിങ്സ്റ്റൻ വാവച്ചൻ മുഖ്യകാർമികത്വം വഹിക്കും. വിഴിഞ്ഞം ഇടവക അംഗങ്ങമായ ഫാ. ജോസ് മൈക്കിൾ വചന വിചിന്തനം നടത്തും. , അതിരൂപതയിൽ നിന്നും UK യിൽ സേവനമനുഷ്ഠിക്കുന്ന ഫാ. ജോൺ വിക്ടർ, ഫാ. ജറാൾഡ് സാവിയോ, ഫാ. ജെയ്സൺ, ഫാ. റോഷി എന്നിവർ സഹകാർമികരായിരിക്കും. ആഘോഷത്തിന്റെ ഭാഗമായി ദിവ്യബലിക്ക് ശേഷം സ്നേഹവിരുന്നും ഒരുക്കിയിട്ടുണ്ട്. തിരുകർമ്മങ്ങൾ തിരുവനന്തപുരം അതിരൂപത യുട്യൂബ് ചാനലിൽ അതിരൂപത മീഡിയ കമ്മിഷൻ തത്സമയം സംപ്രേഷണം ചെയ്യും.
Live streaming Link 👇
