മെത്രാഭിഷേക ആഘോഷ പരിപാടികളുടെ പ്രചാരണാർത്ഥം മീഡിയ ആൻഡ് പബ്ലിസിറ്റി കമ്മിറ്റിയുടെ നേതൃത്വത്തിൽ മീഡിയ സെന്റർ പ്രവർത്തനം ആരംഭിച്ചു. പത്രമാധ്യമങ്ങൾക്കും സഹായകമാകുന്ന രീതിയിൽ മെത്രാഭിഷേക ദിനത്തോടനുബന്ധിച്ച വാർത്തകൾ ജനങ്ങളിൽ എത്തിക്കുക എന്ന ലക്ഷ്യത്തോടെയാണ് മീഡിയ സെന്റർ പ്രവർത്തിക്കുന്നത്. വെള്ളയമ്പലം ബിഷപ് ഹൗസിൽ ജീവനും വെളിച്ചവും ഓഫീസിൽ പ്രവർത്തിക്കുന്ന മീഡിയ സെന്റർ മെത്രാഭിഷേക-ആഘോഷ സമിതി ചെയർമാൻ അഭിവന്ദ്യ ക്രിസ്തുദാസ് പിതാവ്‌ ഉത്‌ഘാടനം ചെയ്തു.
ഉത്‌ഘാടന ചടങ്ങിൽ മീഡിയ കമ്മിഷൻ ഡയറക്ടർ ഫാ. ദീപക് ആന്റോ, ഫാ. റോബിൻസൺ, ഫാ. മനീഷ്, മാധ്യമ – പ്രചാരണ കമ്മിറ്റി അംഗങ്ങളും പങ്കെടുത്തു. മെത്രാഭിഷേക-സ്ഥാനാരോഹണ ചടങ്ങുകൾ സംബന്ധിച്ച വാർത്തകൾക്കും മീഡിയ സെൽ നമ്പർ ആയ +91 8921695221 ൽ ബന്ധപ്പെടാമെന്നും അതിരൂപത ന്യുസ് പോർട്ടലിലെ പ്രത്യേക ഭാഗം സന്ദർശിക്കാമെന്നും സംഘാടകര് അറിയിച്ചു.
