തിരുവനന്തപുരം അതിരൂപതയുടെ സെന്റ്. ജോസഫ്സ് ഹയർ സെക്കന്ററി സ്കൂളിലെ നിരഞ്ജൻ എസ്.ആർ കേരള സബ് ജൂനിയർ ബാസ്കറ്റ്ബോൾ ടീം ക്യാപ്റ്റനായി തിരഞ്ഞെടുക്കപ്പെട്ടു. ഓഗസ്റ്റ് 2 മുതൽ 9 വരെ പോണ്ടിച്ചേരി രാജീവ് ഗാന്ധി ഇൻഡോർ സ്റ്റേഡിയത്തിൽ നടക്കുന്ന 48 -മത് ദേശീയ സബ് ജൂനിയർ ബാസ്ക്കറ്റ്ബോൾ ചാമ്പ്യൻഷിപ്പിൽ പങ്കെടുക്കുന്ന കേരളാ ടീമിനെ നിരഞ്ജൻ എസ്.ആർ നയിക്കും.
സെൻറ് ജോസഫ് സ്കൂളിലെ എട്ടാം ക്ലാസ് വിദ്യാർത്ഥിയാണ് നിരഞ്ജൻ. സെൻറ് ജോസഫ് സ്കൂളിൽനിന്ന് നാലുപേർ കേരളാ ടീമിലേക്ക് തിരഞ്ഞെടുക്കപ്പെട്ടിട്ടുണ്ട്. മെയ് മാസം 9 മുതൽ 14 വരെ തിരുവനന്തപുരം ജില്ലയിൽ വച്ച് നടന്ന സംസ്ഥാന സബ്ജൂനിയർ ചാമ്പ്യൻഷിപ്പിലെ ഏറ്റവും മികച്ച കളിക്കാരനായി തിരഞ്ഞെടുക്കപ്പെട്ട ആൾഡ്രിൻ , ജില്ലാ ടീമിൻറെ ക്യാപ്റ്റനായ അമൽ കൂടാതെ വിവേക് എന്നീ നാലു പേരാണ് കേരളാ ടീമിൽ ഇടം നേടിയത്.
