ലിസ്ബൺ: തിരുസഭയിൽ ദിവ്യകാരുണ്യ ആരാധനയും ഭക്തിയും വീണ്ടെടുക്കാൻ ഫ്രാൻസിസ് പാപ്പയുടെ അടിയന്തര ആഹ്വാനം. പോർച്ചുഗലിലെ ലിസ്ബണിൽ ബിഷപ്പുമാർ, വൈദികര്‍, ഡീക്കന്മാർ, സമർപ്പിതര്‍ എന്നിവരെ അഭിസംബോധന ചെയ്ത സന്ദേശത്തിലാണ് ഫ്രാൻസിസ് പാപ്പ, ദിവ്യകാരുണ്യ ഭക്തി വീണ്ടും ഏറ്റെടുക്കേണ്ടതിന്റെ പ്രത്യേക ആവശ്യകതയെ കുറിച്ച് പറഞ്ഞത്. ദിവ്യകാരുണ്യ ആരാധനയിൽ മാത്രമേ സുവിശേഷവത്ക്കരണം വീണ്ടെടുക്കാന്‍ കഴിയുകയുള്ളൂവെന്ന് പാപ്പ കൂട്ടിച്ചേര്‍ത്തു.
ദിവ്യകാരുണ്യ ആരാധനയിൽ മാത്രമേ, കർത്താവിന്റെ മുന്‍പാകെ സുവിശേഷവത്ക്കരണത്തോടുള്ള അഭിനിവേശവും അഭിനിവേശവും വീണ്ടെടുക്കാൻ കഴിയൂ,” പാപ്പ പറഞ്ഞു.എല്ലാവരും- ബിഷപ്പുമാർ, വൈദികര്‍, സമർപ്പിതര്‍, സാധാരണക്കാരും – അത് വീണ്ടെടുക്കേണ്ടതുണ്ട്. ഈ സന്ദർഭത്തിൽ, കൽക്കട്ടയിലെ വിശുദ്ധ മദര്‍ തെരേസയുടെ മാതൃക പിന്തുടരാൻ മാർപാപ്പ തന്റെ ശ്രോതാക്കളെ ക്ഷണിച്ചു. ജീവിതത്തിൽ പല കാര്യങ്ങളിലും ഏർപ്പെട്ടിരുന്നിട്ടും, അവള്‍ ദിവ്യകാരുണ്യ ആരാധന ഉപേക്ഷിക്കുന്നില്ല. കർത്താവിന്റെ മുമ്പാകെ നിശബ്ദത പാലിക്കണമെന്നും ഫ്രാൻസിസ് പാപ്പ ആഹ്വാനം ചെയ്തു.
