തിരുവനന്തപുരം: വിദ്യാർഥികളുടെയും യുവജനങ്ങളുടെയും വിദ്യാഭ്യാസ, പൊതുവിജ്ഞാന നിലവാരമുയർത്തി മുഖ്യധാരയിലെത്തിക്കുകയെന്ന ലക്ഷ്യത്തിൽ അതിരൂപത വിദ്യാഭ്യാസ ശുശ്രൂഷ വിഭാവനം ചെയ്തുനടപ്പിലാക്കുന്ന കനവ്-2K26 സമാപിച്ചു. മെയ് 31-ന് നടന്ന ഇടവകതല ക്വിസ് മത്സരങ്ങളിൽ 1521 പേർ പങ്കെടുത്തു. ഇടവകതല വിജയികൾക്കായി വിവിധ ഫെറോന കേന്ദ്രങ്ങളിൽ ജൂൺ 7 ഞായറാഴ്ച നടന്ന ഫെറോനതല മത്സരങ്ങളിൽ 191 ടീം അംഗങ്ങൾ പങ്കെടുത്തു.
ഫെറോനതലത്തിൽ മൂന്ന് വിഭാഗങ്ങളിലായി മികച്ച പ്രകടനം കാഴ്ചവച്ച രണ്ടുപേരടങ്ങുന്ന ടീമുകളുടെ ഫൈനൽ മത്സരം ജൂൺ 13 ശനിയാഴ്ച സൈന്റ് ജോസഫ്സ് ഹൈസ്ക്കൂളിൽ നടന്നു. ഇതിൽ ഒന്നും, രണ്ടും, മൂന്നും സ്ഥാനം കരസ്ഥമാക്കിയവർക്കുള്ള ക്യാഷ് പ്രൈസും മെഡലുകളും അതിരൂപത സഹായമെത്രാൻ ഡോ. ക്രിസ്തുദാസ് സമ്മാനിച്ചു. വിദ്യാഭ്യാസ ശുശ്രൂഷ ഡയറക്ടർ ഫാ. സൈറസ് കളത്തിൽ, അസിസ്റ്റന്റ് ഡയറക്ടർ ഫാ. ഇമ്മാനുവേൽ എന്നിവർ സന്നിഹിതരായിരുന്നു. കനവ്-2K26 കോർ ടീം കോഡിനേറ്റർ ജോയി ജോൺ, അസിസ്റ്റന്റ് കോഡിനേറ്റർ ലിറ്റി ലൂസിയ സൈമൺ, മറ്റ് കോർടീം അംഗങ്ങൾ, ഫെറോന ആനിമേറ്റേഴ്സ് എന്നിവർ വിവിധ തലങ്ങളിലുള്ള ക്രമീകരണങ്ങൾക്ക് നേതൃത്വം നൽകി.
