പാളയം: വലിയ കുടുംബങ്ങൾ രൂപപ്പെടുന്നത് പ്രോത്സാഹിപ്പിക്കുന്നതിന്റെ ഭാഗമായി പ്രോ-ലൈഫ് കുടുംബങ്ങളിലെ കുഞ്ഞുങ്ങളുടെ ജ്ഞാനസ്നാനം ക്രിസ്തുദാസ് പിതാവിന്റെ കാർമികത്വത്തിൽ നടന്നു. മേയ് 08 വ്യാഴാഴ്ച പാളയം സെന്‍റ് ജോസഫ്സ് മെട്രോപോളിറ്റന്‍ കത്തീഡ്രലില്‍ വച്ച് നടന്ന ചടങ്ങിൽ അതിരൂപതയിലെ 7 പ്രോ-ലൈഫ് കുടുംബങ്ങളിലെ കുഞ്ഞുങ്ങളാണ്‌ തിരുസംഭാംഗങ്ങളായത്.
മുങ്ങോട് ഇടവകയിലെ സ്റ്റാലന്‍ ആന്‍റണി, സുജി സ്റ്റാലന്‍ ദമ്പതികളുടെ നാലാമത്തെ കുഞ്ഞ് ആഗ്നസ് മേരി എസ് സ്റ്റാലന്‍, പരുത്തിയൂര്‍ ഇടവകയിലെ അലക്സ് മേരി ഗില്‍ഡ ദമ്പതികളുടെ നാലാമത്തെ കുഞ്ഞ് ഐറ അലക്സ്, പള്ളിത്തുറ ഇടവകയിലെ അല്‍ഫോണ്‍സ് സേവ്യര്‍ മര്‍ഫി ദമ്പതികളുടെ നാലാമത്തെ കുഞ്ഞ് ഗ്രൈസ് അല്‍ഫോണ്‍സ്, കരുംകുളം ഇടവകയിലെ ബൈജു അല്‍ഫോണ്‍സ ദമ്പതികളുടെ നാലാമത്തെ കുഞ്ഞ് ജോനാഥ് ബൈജു, പള്ളിത്തുറ ഇടവകയിലെ ക്രിസ്റ്റഫര്‍ രേഷ്മ ദമ്പതികളുടെ നാലാമത്തെയും അഞ്ചാമത്തെയും കുഞ്ഞുങ്ങളായ സോന, സോണി, വിഴിഞ്ഞം ഇടവകയിലെ ജോൺ ഫ്രഡി, സിൻസി ജോൺ എന്നിവരുടെ കുഞ്ഞ് ഇവാന ജോൺ എന്നിവരാണ് അഭിവന്ദ്യ പിതാവില്‍ നിന്ന് ജ്ഞാനസ്നാനം സ്വീകരിച്ചത്. തുടർന്ന് ജീവന്‍ സമൃദ്ധി പദ്ധതി പ്രകാരമുള്ള കുഞ്ഞുങ്ങളുടെ പേരിലുള്ള സമ്പാദ്യ പദ്ധതികളുടെ രേഖകൾ, മെമന്റോ, ലവീത്ത മിനിസ്ട്രിയുടെ ധനസഹായതുക എന്നിവ മാതാപിതാക്കള്‍ അഭിവന്ദ്യ ക്രിസ്തുദാസ് പിതാവില്‍ നിന്ന് സ്വീകരിച്ചു.
പന്ത്രണ്ടാം തവണയാണ്‌ കുടുംബപ്രേഷിത ശുശ്രൂഷ പ്രോ-ലൈഫ് കുടുംബങ്ങൾക്കുള്ള ജ്ഞാനസ്നാനം നടത്തുന്നത്. കുടുംബപ്രേഷിത ശുശ്രൂഷ ഡയറക്ടര്‍ റവ. ഫാ. റിച്ചാര്‍ഡ് സഖറിയാസ്, പാളയം ഇടവക സഹവികാരി റവ. ഫാ. റോബിന്‍ എന്നിവര്‍ സന്നിഹിതരായിരുന്നു.
