വികാസ് നഗർ: പേട്ട ഫെറോന സാമൂഹ്യ ശുശ്രൂഷ സമിതിയുടെ ആഭിമുഖ്യത്തിൽ വികാസ് നഗർ ഇടവകയിൽവച്ച് വാർഡ് സഭ പരിശീലനം സംഘടിപ്പിച്ചു. പ്രാദേശിക സ്വയംഭരണ സ്ഥാപനങ്ങളുടെ പ്രവർത്തനങ്ങൾ കൂടുതൽ ജനകീയവും ഫലപ്രദവുമാക്കുക എന്ന ലക്ഷ്യത്തോടെ സംഘടിപ്പിച്ച പരിശീലന പരിപാടിയിൽ ഇടവക വികാരി ഫാ. മെൽബിൻ അധ്യക്ഷത വഹിക്കുകയും മുരളീധരൻ സർ ക്ലാസ് നയിക്കുകയും ചെയ്തു. വാർഡ് സഭയുടെ പ്രാധാന്യം, ചുമതലകൾ, ജനപങ്കാളിത്തം ഉറപ്പാക്കുന്ന മാർഗങ്ങൾ, വികസന പദ്ധതികളുടെ ആസൂത്രണവും നടപ്പാക്കലും തുടങ്ങിയവ ക്ലാസിൽ വിശദീകരിച്ചു. വാർഡ് സഭകൾ പ്രാദേശിക വികസനത്തിനും ജനാധിപത്യ പങ്കാളിത്തത്തിനും പ്രധാന വേദിയാണെന്ന് പരിശീലനത്തിൽ ചൂണ്ടിക്കാട്ടി. സംശയനിവാരണ സെഷനും പരിപാടിയുടെ ഭാഗമായി. പ്രസ്തുത യോഗത്തിൽ ഫെറോനാ സാമൂഹ്യ ശുശ്രൂഷ സമിതി സെക്രട്ടറി ത്രേസ്യ, സാമൂഹ്യ ശുശ്രൂഷ സെക്രട്ടറിമാർ, മറ്റു ഫോറം പ്രതിനിധികൾ എന്നിവർ സന്നിഹിതരായിരുന്നു
പേട്ട ഫെറോന സാമൂഹ്യ ശുശ്രൂഷ സമിതിയുടെ ആഭിമുഖ്യത്തിൽ വാർഡ് സഭ പരിശീലനം സംഘടിപ്പിച്ചു
