വട്ടിയൂർക്കാവ്: ജൂബിലി 2025, വിശുദ്ധ കൊച്ചുത്രേസ്യയുടെ വിശുദ്ധ പദവി ശദാബ്ദി എന്നീ ആഘോഷങ്ങളുടെ ഭാഗമായി അതിരൂപത സാമൂഹ്യശുശ്രൂഷ നടപ്പാക്കി കൊണ്ടിരിക്കുന്ന ജൂബിലി ഭവന പദ്ധതിയുടെ ഭാഗമായി വട്ടിയൂർക്കാവ് ഇടവകക്ക് ലഭിച്ച ജൂബിലി ഭവനം ആശീർവ്വദിച്ചു. ഫെബ്രുവരി 25, ബുധനാഴ്ച രാവിലെ 10 മണിക്ക് നടന്ന ആശീർവ്വാദത്തിന് സാമൂഹ്യശുശ്രൂഷ ഡയറക്റ്റർ ഫാ. ആഷ്ലിൻ ജോസ് നേതൃത്വം നല്കി. ഫെറോന സാമൂഹ്യശുശ്രൂഷ വൈദീക കോ – ഓർഡിനേറ്റർ ഫാ. റിച്ചാർഡ് സക്കറിയാസ്, ഇടവക വികാരി ഫാ. ലോറൻസ് കുലാസ്, എന്നിവർ സന്നിഹിതരായിരുന്നു.
അതിരൂപത സാമൂഹ്യ ശുത്രൂഷയുടെയും ഇടവകയുടെയും ധാരാളം സുമനസുകളുടെയും സഹായത്തോടെ നിർമ്മിക്കപ്പെട്ട ഭവനം ബാബു സുനിതാ കുടുംബത്തിന് ഒരു യഥാർത്ഥ ജൂബിലി സമ്മാനമായി മാറി. ആശീർച്ചാദകർമ്മത്തിൽ ഇടവക കൗൺസിൽ അംഗങ്ങൾ, ഇടവക സാമൂഹ്യശുശ്രൂഷ സമിതി അംഗങ്ങൾ ഇടവകയിലെ മറ്റ് ധാരാളം പേർ പങ്കു ചേർന്നു.
