മാമ്പള്ളി ഇടവകയുടെ പുരോഗതിക്കായി പടവുകൾ രണ്ടാം ഘട്ടം ദ്വിദിന സെമിനാർ വെള്ളയമ്പലം ടി എസ് എസ് എസ് ഹാളിൽ നടന്നു. മാമ്പള്ളി ഇടവകയ്ക്ക് പുതിയൊരു ദിശാബോധം നൽകുക എന്നതായിരുന്നു സെമിനാറിന്റെ ലക്ഷ്യം.പോസ്സിബിലിറ്റി പോസ്സിറ്റിവിറ്റി എന്ന ആശയത്തിന്റെ അടിസ്ഥാനത്തിൽ വരുന്ന രണ്ടു വർഷത്തേക്ക് ഉള്ള മാർഗ്ഗരേഖ തയ്യാറാക്കി പുതിയൊരു ഇടവകയെ രൂപപ്പെടുത്തുക എന്നതാണ് ഇതിലൂടെ ലക്ഷ്യം വയ്ക്കുന്നത്.
വിവിധ ശുശ്രൂഷ തലങ്ങളിലൂടെ ഇടവകയെ മെച്ചപ്പെട്ട രീതിയിൽ വാർത്തെടുക്കുന്നതിനായി അതിരൂപതയിലെ വിവിധ ശുശ്രൂഷയിലെ വൈദികർ 2 ദിവസങ്ങളിലായി ഇടവക കൗൺസിൽ അംഗങ്ങൾക്കും, റിസോഴ്സ് അംഗങ്ങൾക്കും പരിശീലനം നൽകി.
മാമ്പള്ളി ഇടവകയുടെ സാധ്യതകൾ കണ്ടെത്തുക, ബലഹീനതകൾ കണ്ടെത്തുക, ഇടവകയുടെ അവസരങ്ങൾ കണ്ടെത്തുക എന്നതാണ്, മാർഗരേഖ മുൻകൂട്ടി തയ്യാറാക്കുന്നതിലൂടെ ഇടവക ലക്ഷ്യമാക്കുന്നത്. മാമ്പള്ളി ഇടവക വികാരി ഫാ. ജസ്റ്റിൻ ജൂഡിന്റെ നേതൃത്വത്തിലാണ് ഇടവകയിലെ 30 ഓളം പേർ പരിശീലനത്തിൽ പങ്കെടുത്തത്.
