കൊച്ചുവേളി: വലിയതുറ ഫൊറോന ബി സി സി നേതൃസംഗമവും വിശുദ്ധ ഫ്രാൻസിസ് അസ്സിസി വർഷാചരണവും സംഘടിപ്പിച്ചു. ഒക്ടോബർ 4 ഞായറാഴ്ച കൊച്ചുവേളി സെന്റ്. ജോസഫ് കമ്മ്യൂണിറ്റി ഹാളിൽ വച്ച് നടന്ന സംഗമത്തിന് ബി സി സി കോഡിനേറ്റർ ഫാ. ജോസഫ് ബാസ്റ്റിൻ അധ്യക്ഷത വഹിച്ചു. ഫെറോന വികാരി ഫാ.ഡാർവിൻ പീറ്റർ സംഗമം ഉദ്ഘാടനം ചെയ്തു. തുടർന്ന് റവ. ഡോ. എ ആർ ജോൺ ക്ലാസ് നയിച്ചു. വിശുദ്ധ ഫ്രാൻസിസ് അസ്സീസിയുടെ ജീവിതത്തെ ആസ്പ്ദമാക്കി നടന്ന ക്ലാസിൽ ബി.സി.സി നേതൃനിരയിലുള്ളവർ എല്ലാവരെയും ചേർത്തുപിടിച്ച് ഒന്നിപ്പിക്കുന്ന ചരടായി മാറണമെന്ന് അച്ഛൻ ഉദ്ബോധിപ്പിച്ചു. കൊച്ചുവേളി, കണ്ണാന്തുറ,ചെറിയതുറ എന്നീ ഇടവകൾ പ്രാർത്ഥനയ്ക്ക് നേതൃത്വം നൽകി.300 അംഗങ്ങൾ പങ്കെടുത്ത ഈ സംഗമത്തിന് കൊച്ചുവേളി ഇടവക കോഡിനേറ്റർ ജയിംസ് സ്വാഗതവും, വലിയ വേളി ഇടവക കോഡിനേറ്റർ ജോയി മാർഷൽ കൃതജ്ഞതയും അർപ്പിച്ചു. ഫെറോന ആനിമേറ്റർ സിസ്റ്റർ ജോസഫിന, സെക്രട്ടറി കെനടി എന്നിവർ ക്രമീകരണങ്ങൾക്ക് നേതൃത്വം നൽകി.
വലിയതുറ ഫൊറോന ബി സി സി നേതൃസംഗമത്തിൽ വിശുദ്ധ ഫ്രാൻസിസ് അസ്സിസി വർഷമാചരിച്ചു
