കഴക്കൂട്ടം: എഞ്ചിനീയറിംഗ് കോളേജും തിരുവനന്തപുരം എഞ്ചിനീയറിംഗ് സയൻസ് ആൻഡ് ടെക്നോളജി (TrEST) റിസർച്ച് പാർക്കും മരിയൻ ധാരണാപത്രം (MoU) ഒപ്പുവെച്ചു. മരിയൻ കോളേജിൽ ‘TrEST സാറ്റലൈറ്റ് സെന്റർ’ സ്ഥാപിക്കുന്നതിനാണ് കരാർ. വിദ്യാർത്ഥികൾക്കും അധ്യാപകർക്കും ഇടയിൽ ഗവേഷണം, നൈപുണ്യ വികസനം, സ്റ്റാർട്ടപ്പ് സംരംഭകത്വം എന്നിവ പ്രോത്സാഹിപ്പിക്കുകയാണ് ലക്ഷ്യം. ഈ കേന്ദ്രം വിദ്യാർത്ഥികൾക്ക് വ്യവസായ മേഖലയുമായുള്ള സമ്പർക്കവും ഇന്റേൺഷിപ്പ് അവസരങ്ങളും ഒരുക്കും. മരിയൻ കോളേജ് മാനേജർ റവ. ഡോ. എ. ആർ. ജോൺ, TrEST സി.ഇ.ഒ ഡോ. രാജശ്രീ എം. എസ്, പ്രിൻസിപ്പൽ ഡോ. അജിത് പ്രഭു വി, ബർസാർ ഫാ. സിബിൻ ജി, ഡീൻ ഡോ. സാംസൺ എ, സി.എസ്.ഇ വിഭാഗം മേധാവി ഡോ. ശ്രീലക്ഷ്മി ആർ എന്നിവരുടെ സാന്നിധ്യത്തിലാണ് കരാർ ഒപ്പുവെച്ചത്. അക്കാദമിക പഠനവും പ്രായോഗിക വ്യവസായ രീതികളും തമ്മിലുള്ള ദൂരം കുറയ്ക്കാൻ ഈ സഹകരണം സഹായിക്കുമെന്ന് അധികൃതർ വ്യക്തമാക്കി.
മരിയൻ എഞ്ചിനീയറിംഗ് കോളേജിൽ ‘സാറ്റലൈറ്റ് സെന്റർ’ സ്ഥാപിക്കും; ധാരണാപത്രം ഒപ്പുവെച്ചു
