വെള്ളയമ്പലം: വെള്ളയമ്പലം കൊച്ചുത്രേസ്യ ദേവാലയത്തിൽ സൊസൈറ്റി ഓഫ് സെന്റ് വിൻസന്റ് ഡി പോൾ ലിറ്റിൽ ഫ്ലവർ കോൺഫറൻസ് 28-ാം വാർഷികം ആഘോഷിച്ചു. ജൂൺ 20 ശനിയാഴ്ച പ്രസിഡന്റ് ബ്രദർ ജസ്റ്റിൻ ലൂയിസിന്റെ അധ്യക്ഷതയിൽ നടന്ന വാർഷിക സമ്മേളനം ഇടവക വികാരിയും അദ്ധ്യാത്മിക ഉപദേഷ്ടാവുമായ ഫാ. ജസ്റ്റിൻ ജൂഡ് ഉദ്ഘാടനം ചെയ്തു. പാവങ്ങളെ സഹായിക്കുമ്പോൾ നാം അവരുടെ കണ്ണുകളിലേക്ക് നോക്കുകയും അവരുടെ കൈകളിൽ തൊടുകയും അവരിൽ യേശുവിനെ കാണുകയും വേണമെന്ന് പോപ്പ് ഫ്രാൻസിസ് പറഞ്ഞ വാക്കുകൾ ഉദ്ഘാടന പ്രസംഗത്തിൽ അച്ചൻ ഓർമിപ്പിച്ചു.
ബ്രദർ ജസ്റ്റിൻ ലൂയിസ് വാർഷിക റിപ്പോർട്ടും, ട്രഷറർ സിസ്റ്റർ വിമല അലോഷ്യസ് കണക്കും അവതരിപ്പിച്ചു. പേരൂർക്കട ഏരിയ കൗൺസിൽ പ്രസിഡന്റ് ബ്രദർ എ സി ജോയ്, സീനിയർ വൈസ് പ്രസിഡന്റ് ബ്രദർ ബെനഡിക്ട് എന്നിവർ ആശംസകളർപ്പിച്ച് സംസാരിച്ചു. 2026- 29 വർഷത്തിലേക്കുള്ള പ്രസിഡണ്ടായി ബ്രദർ ക്ലീറ്റസ് ചാൾസിനെ തിരഞ്ഞെടുത്തു. തുടർന്ന് ദത്ത് കുടുംബങ്ങൾക്കും, സാധു കുടുംബങ്ങൾക്കും സാമ്പത്തിക സഹായം നൽകി. ബ്രദർ ആനി ജോർജ് സ്വാഗതവും ബ്രദർ ക്ലീറ്റസ് കൃതജ്ഞതയുമേകി.