പെരിങ്ങമല: സാമൂഹ്യ ശുശ്രൂഷയുടെ കീഴിലുള്ള കേരള ലേബർ മൂവ്മെന്റിന്റെ (KLM) ആഭിമുഖ്യത്തിൽ നവംബർ 16 ഞായറാഴ്ച കോവളം ഫൊറോനയിലെ പെരിങ്ങമ്മല യൂണിറ്റിൽ കെ.എൽ.എം വിപണന മേള സംഘടിപ്പിച്ചു. മേളയിൽ അഞ്ച് യൂണിറ്റുകളിലെ അംഗങ്ങൾ സജീവമായി പങ്കെടുത്തു. ഓരോ യൂണിറ്റും ഭക്ഷ്യവസ്തുക്കൾ, പച്ചക്കറികൾ, അച്ചാർ, പാനീയങ്ങൾ, സസ്യങ്ങൾ, ഫാൻസി വസ്തുക്കൾ തുടങ്ങിയവ പ്രദർശിപ്പിക്കുകയും വിൽപ്പന നടത്തുകയും ചെയ്തു.
കെ.എൽ.എം ഡയറക്ടർ ഫാ. ഡോണി ഡി. പോൾ മേള സന്ദർശിച്ച് സംഘാടകരെ അഭിനന്ദിച്ചു. അതിരൂപത കെ.എൽ.എം എക്സിക്യൂട്ടീവ് അംഗങ്ങൾ പരിപാടിയിൽ സന്നിഹിതരായിരുന്നു. തദ്ദേശിയ ഉല്പന്നങ്ങളെയും സ്വയംതൊഴിൽ സാധ്യതകളെയും പ്രോത്സാഹിപ്പിക്കുന്നനായാണ്‌ മേള സംഘടിപ്പിച്ചത്. പങ്കെടുത്ത യൂണിറ്റുകൾക്ക് മികച്ച പ്രതികരണവും പ്രാദേശിക ജനങ്ങളുടെ ആവേശകരമായ പങ്കാളിത്തവും ലഭിച്ചു.
