വലിയതുറ: മുക്തി മാസാചരണ പരിപാടിയുടെ ഭാഗമായി വലിയതുറ ഇടവക സാമൂഹ്യ ശുശ്രൂഷ സമിതിയുടെ നേതൃത്വത്തിൽ സൈക്കിൾ റാലി, പദ യാത്ര എന്നിവ സംഘടിപ്പിച്ചു. ഇടവക വികാരി റവ. ഡോ. സാബാസ് ഇഗ്നേഷ്യസിന്റെ അധ്യക്ഷതയിൽ വലിയതുറ ഗ്രൗണ്ടിൽ വച്ച് സംഘടിപ്പിച്ച പൊതുസമ്മേളനം അസിസ്റ്റന്റ് എക്സൈസ് ഇൻസ്പെക്ടർ ദിലീപ് ഉദ്ഘാടനം ചെയ്തു. വലിയതുറ പോലീസ് സ്റ്റേഷനിലെ സബ് ഇൻസ്പെക്ടർ ജഗ് മോഹൻ ദത്തൻ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. ‘കഥ പറയും വണ്ടി’ എന്നപേരിൽ പദയാത്ര, പ്രതീകാത്മകമായി ലഹരിവസ്തുക്കൾ കത്തിക്കൽ എന്നിവ ദിനാചരണം അർത്ഥപൂർണ്ണമാക്കി. ഇടവക സഹവികാരി ഫാ. ഫ്രെഡി വർഗീസ്, ഇടവക കൗൺസിൽ സെക്രട്ടറി, ഫെറോന ആനിമേറ്റർ എന്നിവർ ആശംസകൾ അർപ്പിച്ചു. ചൈൽഡ് പാർലമെന്റ്, കുട്ടികളുടെയും യുവജനങ്ങളുടെയും കലാപരിപാടികളും അരങ്ങേറി.
