അതിരൂപത വിദ്യാഭ്യാസ ശുശ്രൂഷ സമിതി, ആർ.സി സ്കൂൾസിന്റെ ആഭിമുഖ്യത്തിൽ വിരമിച്ച ആർ. സി. സ്കൂളിലെ അദ്ധ്യാപകർക്കായി അസോസിയേഷൻ ഓഫ് റിട്ടയേർഡ് ടീച്ചേർസ് & സ്റ്റാഫ് (എ.ആർ.ടി.എസ്) എന്ന പേരിൽ സൗഹൃദ കൂട്ടായ്മ ഒരുങ്ങുന്നു. ഒത്തു ചേരാം സൗഹൃദം പങ്കിടാം എന്ന് പേര് നൽകിയിരിക്കുന്ന സൗഹൃദ കൂട്ടായ്മ 2023 ഫെബ്രുവരി 25 – ന് രാവിലെ വെള്ളയമ്പലം, അനിമേഷൻ സെന്ററിൽ വച്ച് നടക്കും.
ദീർഘകാലം ആർ.സി. സ്കൂൾസ് മാനേജ്മെന്റിന്റെ കീഴിലുള്ള വിവിധ വിദ്യാലയങ്ങളിൽ പ്രവർത്തിച്ച റിട്ടയേർഡ് അധ്യാപകർക്കും , സ്റ്റാഫ് അംഗങ്ങൾക്കും ഒത്തു ചേരാനും പഴയ വിദ്യാലയജീവിതാനുഭവങ്ങൾ പങ്കിടാനുമുള്ള അവസരമൊരുക്കുകയാണ് ഈ കൂട്ടായ്മയിലൂടെ ലക്ഷ്യമാക്കുന്നതെന്ന് ആർ. സി. സ്കൂൾസ് കോർപ്പറേറ്റ് മാനേജർ, ഡയറക്ടർ ഫാ. ഡെയ്സൺ യേശുദാസ് അറിയിച്ചു.
സൗഹൃദ സംഗമത്തിൽ അതിരൂപത അധ്യക്ഷൻ ഡോ. തോമസ് ജെ. നെറ്റോ മുഖ്യ അതിഥിയാവും. പുന്തുറ ഹയർസെക്കന്ഡറി സ്കൂൾ പ്രിൻസിപ്പലായി വിരമിച്ച ശ്രീ. സിൽവസ്റ്റർ ജെ. യാണ് പരിപാടിയുടെ കൺവീനർ.
