തിരുവനന്തപുരം അതിരൂപതയിലെ പരുത്തിയൂർ ഇടവകയിൽ മഹാത്മാ ഗാന്ധിജിയുടെ 152 -മത് ജന്മദിന ആഘോഷത്തോടനുബന്ധിച്ച്, പരുത്തിയൂർ സെയിന്റ് മേരി മഗ്‌ദലേന ഇടവകയും ഉദയ സ്പോർട്സ് & ആർട്സ് ക്ലബും സംയുക്തമായി “ക്ലീൻ & ഗ്രീൻ” എന്ന പദ്ധതിക്ക് തുടക്കം കുറിച്ചു.
ഇടവക വികാരി റെവ. ഫാ. ജേക്കബ് സ്റ്റെല്ലസിന്റെയും സഹവികാരി റെവ. ഫാ. ഡേവിഡ്സൻന്റെയും നേതൃത്വത്തിൽ നടന്ന ഈ ശുചീകരണ പദ്ധതി കോസ്റ്റൽ S.I ശ്രീ കുമാർ ക്ലീൻ & ഗ്രീൻ പദ്ധതിയുടെ ലോഗോ പ്രകാശനം ചെയ്‌തുകൊണ്ട്‌ പരിപാടി ഉൽഘാടനം ചെയ്തു.
പ്രസ്തുത പദ്ധതി നിർവഹണത്തിൽ പൊഴിയൂർ പോലീസ് ഉദ്യോഗസ്ഥർ, വിവിധ വാർഡ് പഞ്ചായത്ത് മെമ്പർമാർ, ബ്ലോക്ക് പഞ്ചായത്ത് മെമ്പർമാർ, ഇടവക സിസ്റ്റേഴ്സ് എന്നിവർ പങ്കെടുത്തു. തുടർന്ന് KCYM, ജീസസ്‌ യൂത്ത്, ഉദയ സ്പോർട്സ് & ആർട്സ് ക്ലബ് മുതലായ ഇടവക സംഘടനകളുടെ പങ്കാളിത്തത്തോടെ ഇടവക ശുചീകരണ പ്രവർത്തനങ്ങൾ സംഘടിപ്പിച്ചു.
