പാളയം ഫൊറോനയിലെ വിവിധ ഇടവകകളിൽ ലഹരിവിരുദ്ധ ദിനാചരണം സംഘടിപ്പിച്ചു

തിരുവനന്തപുരം: പാളയം ഫൊറോനയുടെ കീഴിലുള്ള വിവിധ ഇടവകകളിൽ വൈവിധ്യമാർന്ന പരിപാടികളോടെ ലഹരിവിരുദ്ധ ദിനാചരണം ആചരിച്ചു. കിള്ളിപ്പാലം ഇടവകയിൽ നടന്ന ചടങ്ങിൽ എക്സൈസ് ഓഫീസർ ശ്രീ. അനിൽ ഇടവക ജനങ്ങൾക്ക് ലഹരിക്കെതിരെയുള്ള അവബോധ ക്ലാസ്സ് നൽകുകയും ലഹരിവിരുദ്ധ പ്രതിജ്ഞ ചൊല്ലിക്കൊടുക്കുകയും ചെയ്തു. തൈക്കാട് ദേവാലയത്തിൽ നിന്നും ആരംഭിച്ച് ആശുപത്രി റോഡ് വഴി പള്ളി ഹാളിൽ അവസാനിച്ച ലഹരിവിരുദ്ധ റാലിയിൽ വലിയ ജനപങ്കാളിത്തമുണ്ടായി. ഇടവകാംഗങ്ങളും കുട്ടികളും പങ്കെടുത്ത പദയാത്രയ്ക്ക് സാമൂഹ്യ ശുശ്രൂഷ എക്സിക്യൂട്ടീവ് അംഗങ്ങൾ നേതൃത്വം നൽകി. ചടങ്ങിൽ ഇടവക വികാരി ലഹരിവിരുദ്ധ പ്രതിജ്ഞ ചൊല്ലിക്കൊടുക്കുകയും, ലഹരിവിരുദ്ധ ചിത്രപ്രദർശനം നടത്തുകയും ചെയ്തു. കുറവൻകോണം, മണക്കാട്, തൃക്കണ്ണാപുരം, മുടവൻമുകൾ, പൂഴിക്കുന്ന് എന്നീ ഇടവകകളിലും ലഹരിവിരുദ്ധ ദിനാചരണത്തോട് അനുബന്ധിച്ച് പ്രത്യേക ദിവ്യബലി, ലഹരിവിരുദ്ധ ചിത്രപ്രദർശനം, പോസ്റ്റർ മത്സരം, അവബോധ ക്ലാസുകൾ എന്നിവ സംഘടിപ്പിച്ചു. അതത് ഇടവക വികാരിമാർ നേതൃത്വം വഹിച്ച പരിപാടികളിൽ ഫൊറോന ആനിമേറ്ററും സന്നിഹിതനായിരുന്നു