കോവളം: ലത്തീൻ അതിരൂപത കോവളം ഫൊറോനയിൽ വിവിധ ശുശ്രൂഷ സമിതികളെ കോർത്തിണക്കിക്കൊണ്ട് അൽമായ ശുശ്രൂഷ സമിതിയുടെ നേതൃത്വത്തിൽ സമുദായ സംഗമം സംഘടിപ്പിച്ചു. സംഗമം അതിരൂപതാ വികാരി ജനറൽ മോൺ. യുജിൻ എച്ച്. പെരേര ഉദ്ഘാടനം ചെയ്തു. ദൈവരാജ്യം മുന്നിൽ കണ്ട് നീതിനിഷ്ഠമായ ഒരു സമൂഹത്തെ രൂപപ്പെടുത്തുന്നതിൽ അൽമായർക്ക് പ്രത്യേകമായിട്ടുളള ഉത്തരവാദിത്വം ഉണ്ടെന്ന് അദ്ദേഹം ഓർമ്മിപ്പിച്ചു. ഇന്ത്യൻ ഭരണഘടന അനുശാസിക്കുന്ന സാമൂഹ്യകവും-സാമ്പത്തികവും-രാഷ്ട്രിയവുമായ നീതി എല്ലാ പൗരന്മാർക്കുമായി നടപ്പിലാക്കുന്നതിന് ഭരണാധികാരികൾക്കും ഉത്തരവാദിത്വം ഉണ്ടെന്നും എന്നാൽ, ഇന്ന് സമൂഹത്തിൻ്റെ വിവിധ മേഖലകളിൽ ഈ നീതി നടപ്പിലാക്കാതെ വരുന്നത് വളരെ ആശങ്ക ഉളവാക്കുന്നതാണെന്ന് മോൺസിഞ്ഞോർ പറഞ്ഞു. ഭരണഘടന അനുശാസിക്കുന്ന നീതി നടപ്പിലാക്കാൻ അത് ഉത്തരവാദിത്വപ്പെട്ടവർ വിശ്വസ്തതയോടെ പ്രവർത്തിക്കണമെന്നും അദ്ദേഹം ആവശ്യപ്പെട്ടു.
അൽമായ ശുശ്രൂഷ ഡയറക്‌ടർ ഫാ. ബീഡ് മനോജ് അമാദോ അനുഗ്രഹ പ്രഭാഷണം നടത്തി. ഫൊറോന പ്രസിഡന്റ് ജാസ്മിന്റെ അദ്ധ്യക്ഷതയിൽ കൂടിയ സംഗമത്തിൽ ഫൊറോന വികാരി മോൺ. നികോളസ് റ്റി. സ്വാഗതം ആശംസിച്ചു. ഫാ. യൂജിൻ ബ്രിട്ടോ ആശംസ നേർന്നു. ഫെറോന വൈദീകർ, സന്യസ്തർ. സമുദായ-ഭക്ത സംഘടന ഭാരവാഹികളായ വിൻസെന്റ്, റജീന, യോഹനാൻ, ക്രിസ്തുദാസ്, ഇസാക്ക് ജോണി – എന്നിവർ സന്നിഹിതരായിരുന്നു. തുടർന്നു ഫാ.ബേബി ബേബിൻസൺ ദൈവജനം ഉത്തരവാദിത്വവും കടമളും എന്ന വിഷയത്തെക്കുറിച്ചും, തദ്ദേശ സ്വയം ഭരണ സംവിധാനങ്ങളും തെരഞ്ഞടുപ്പും എന്ന വിഷയത്തെ ആസ്പാദമാക്കി പ്ലാസിഡ് ഗ്രിഗറിയും ക്ലാസുകൾ നയിച്ചു. സംഗമത്തിന് മിഥുൻ സൂസമരിയാൻ നന്ദിയും അർപ്പിച്ചു.
