തൂത്തൂർ: തൂത്തൂർ ഫെറോനായിൽ അൽമായ ശുശ്രൂഷ അൽമായ സംഗമം നടത്തി. ആദ്യാമായാണ് ഫെറോനയിൽ അൽമായ സംഗമം നടന്നത്. ഫെറോനാ വികാരി ഫാ. സിൽവസ്റ്റർ കുരിശിന്റെ അധ്യക്ഷതയിൽ നടന്ന സംഗമം അതിരൂപത അൽമായ ശുശ്രൂഷ ഡയറക്ടർ ഫാ. ബീഡ് മനോജ് ഉദ്ഘാടനം ചെയ്തു. അൽമായർക്ക് സഭാസംവിധനങ്ങളിലുള്ള പങ്ക് എത്രത്തോളമാണെന്ന് വെളിപ്പെടുത്തുന്ന തരത്തിലാണ് സംഗമം നടന്നത്. അൽമായ കൗൺസിൽ വൈസ് പ്രസിഡൻറ് യൂജിൻ പരിശീലന ക്ലാസിന് നേതൃത്വം നൽകി.
തമിഴ് ഭാഷയിലേക്ക് ആദ്യമായി തർജ്ജമ ചെയ്ത അല്മായ ശുശ്രൂഷ സമിതി മാർഗരേഖ പ്രകാശനം ചെയ്തു. അല്മായ ശുശ്രൂഷ സമിതിയുടെ മികച്ച പ്രവർത്തനങ്ങൾ നടത്തിവരുന്ന ഇടവകകളെ സംഗമത്തിൽ ആദരിച്ചു. നീരോടി, വള്ളവിള, മാർത്താണ്ഡൻതുറ എന്നീ ഇടവകകൾക്ക് യഥാക്രമം ഒന്നും രണ്ടും മൂന്നും സ്ഥാനത്തിനുള്ള പുരസ്കാരങ്ങൾ നൽകി. ഫെറോന ആനിമേറ്റർ ആന്റണി ദാസ് ആശംസ അർപ്പിച്ചു. അൽമായ ശുശ്രൂഷ വൈദിക കോഡിനേറ്റർ ഫാ. മാർത്തോമാ കൃതജ്ഞതയേകി. തുടർന്ന് വിവിധ ഇടവകകളിലെ അൽമായ ശുശ്രൂഷ സമിതി അംഗങ്ങളുടെ വൈവിധ്യമാർന്ന കലാപരിപാടികളും അരങ്ങേറി.
