പൂന്തുറ: കോവളംഫെറോന വിദ്യാഭ്യാസ ശുശ്രൂഷ മരിയൻ എഞ്ചിനീയറിംഗ് കോളേജിന്റെ സഹായത്തോടെ ഡിസംബർ 3 ഞായറാഴ്ച പൂന്തുറ സെന്റ് ഫിലോമിനാസ് കോൺവെൻറ്റിൽ വച്ച് ” SCIENTIA ” – 2023 എന്ന പേരിൽ ക്വിസ് മത്സരം നടത്തി. 10 നും 20 നും ഇടയ്ക്ക് പ്രായമുള്ള വിദ്യാർത്ഥികൾക്കു വേണ്ടിയാണ് ക്വിസ് മത്സരം സംഘടിപ്പിച്ചത് . ഫെറോനയിലെ 10 ഇടവകയിൽ നിന്ന് 50 വിദ്യാർത്ഥികൾ പങ്കെടുത്ത ക്വിസ് മത്സരത്തിൽ വിശിഷ്ടാഥിതികളെയും, വിദ്യാർത്ഥികളെയും, അവരുടെ മാതാപിതാക്കളെയും ഫെറോന വിദ്യാഭ്യാസ കൺവീനർ ശ്രീ. വില്ല്യം സ്വാഗതമേകി.
പ്രശസ്ത അദ്ധ്യാപികയും സാമൂഹിക പ്രവർത്തകയുമായ ബബിത ടീച്ചർ ക്വിസ് മത്സരത്തിന് നേതൃത്വം നൽകി. വിജയികൾക്ക് ഫെറോന വിദ്യാഭ്യാസ കോഡിനേറ്റർ ഫാദർ ജെറോം റോസ് സമ്മാനങ്ങൾ വിതരണം ചെയ്തു . പരുത്തികുഴി സെന്റ് ജോസഫ് ഇടവക ഒന്നാം സ്ഥാനവും ,പെരിങ്ങമ്മല സെന്റ് മൈക്കിൾസ് ഇടവക രണ്ടാം സ്ഥാനവും, പാലപ്പൂർ ഹോളി ക്രോസ്സ് ഇടവക മൂന്നാം സ്ഥാനവും കരസ്ഥമാക്കി . പങ്കെടുത്ത എല്ലാവർക്കും ഫെറോന ആനിമേറ്റർ ഷൈലജ നന്ദി അർപ്പിച്ചു.
