വെള്ളയമ്പലം: അതിരൂപത ബിസിസി സമിതി ബിസിസി കോ-ഓര്ഡിനേറ്റര്മാർക്കും സിസ്റ്റര് ആനിമേറ്റര്മാർക്കും പരിശീലനം നൽകി. ഒക്ടോബർ 25-ന് വെള്ളയമ്പലം ആനിമേഷൻ സെന്ററിൽ നടന്ന പരിശീലന പരിപാടിയിൽ അതിരൂപതയിലെ 117 ഇടവകകളിൽ നിന്നുള്ള കോ-ഓര്ഡിനേറ്റര്മാരും ആനിമേറ്റേഴ്സും പങ്കെടുത്തു. നേതൃപരിശീലനത്തിൽ ‘ബി.സി.സി.യെക്കുറിച്ചുള്ള അതിരൂപത ദര്ശനം’ എന്ന വിഷയത്തിൽ അതിരൂപതാ ബി.സി.സി. എക്സിക്യൂട്ടീവ് സെക്രട്ടറി ഫാ. സനീഷ്, ‘എന്തിന് ഞാന് ബി.സി.സി.യില് പോകണം?’ എന്നതിനെക്കുറിച്ച് ഫാ. ദീപക് ആന്റോ, ‘കോ-ഓര്ഡിനേറ്റര്മാരുടെ കടമകളെയും ഉത്തരവാദിത്തങ്ങളെയും’ കുറിച്ച് അതിരൂപത ശുശ്രൂഷ കോർഡിനേറ്റർ റവ. ഡോ. ലോറൻസ് കുലാസ് എന്നിവർ വിവിധ ക്ലാസുകൾക്ക് നേതൃത്വം നൽകി. തുടര്ന്ന് നടന്ന അടുത്ത വര്ഷത്തേക്കുള്ള പദ്ധതി രൂപീകരിക്കലിനെക്കുറിച്ചുള്ള ഗ്രൂപ്പ് ചർച്ചയോടെ പരിശീലനം സമാപിച്ചു.
ബിസിസി സമിതി അതിരൂപതാതല നേതൃപരിശീലനം സംഘടിപ്പിച്ചു
