വത്തിക്കാന്‍ സിറ്റി: ഫ്രാന്‍സിസ് മാർപാപ്പായുടെ വിയോഗത്തെ തുടര്‍ന്ന് വാഴ്ത്തപ്പെട്ട കാർലോ അക്യുട്ടിസിനെ വിശുദ്ധനായി പ്രഖ്യാപിക്കുന്ന ചടങ്ങ് മാറ്റിവച്ചു. കൗമാരക്കാരുടെ ആഗോള ജൂബിലി സംഗമത്തിനിടെ ഏപ്രിൽ 27 ഞായറാഴ്ചയാണ് വത്തിക്കാന്‍ ചടങ്ങ് നടത്താന്‍ നിശ്ചയിച്ചിരുന്നത്. വിശുദ്ധ പദവി പ്രഖ്യാപനത്തിനായി 80,000-ത്തിലധികം കൗമാരക്കാർ ഒത്തുകൂടുമെന്ന് പ്രതീക്ഷിച്ചിരുന്നുവെന്ന് സുവിശേഷ വൽക്കരണത്തിനായുള്ള ഡിക്കാസ്റ്ററി അറിയിച്ചു. അമേരിക്ക, ബ്രസീൽ, ഇന്ത്യ, സ്പെയിൻ, പോർച്ചുഗൽ, ഫ്രാൻസ്, ഉക്രെയ്ൻ, യു.കെ, ജർമ്മനി, ചിലി, വെനിസ്വേല, മെക്സിക്കോ, ഓസ്ട്രേലിയ, അർജന്റീന നൈജീരിയ എന്നിവിടങ്ങളിൽ നിന്നുള്ള യുവാക്കൾ കൗമാരക്കാരുടെ സംഗമത്തിനായി രജിസ്റ്റർ ചെയ്തിരുന്നു.
ഫ്രാന്‍സിസ് മാർപാപ്പായുടെ വിയോഗം: വാഴ്ത്തപ്പെട്ട കാർലോ അക്യുട്ടിസിന്റെ വിശുദ്ധ പദവി പ്രഖ്യാപനം മാറ്റിവച്ചു
