വട്ടിയൂർക്കാവ്: വിശുദ്ധ ഫ്രാൻസിസ് അസീസിയുടെ ജീവിതവും സന്ദേശവും പ്രചരിപ്പിക്കുന്നതിന്റെ ഭാഗമായി വട്ടിയൂർക്കാവ് ഫൊറോന ബിസിസി കമ്മീഷൻ പ്രസംഗ, ഉപന്യാസ മത്സരങ്ങൾ സംഘടിപ്പിച്ചു. അസീസിയിലെ വിശുദ്ധ ഫ്രാൻസിസിന്റെ വർഷാചരണത്തിന്റെ ഭാഗമായാണ് മത്സരങ്ങൾ നടത്തിയത്. 800 വർഷങ്ങൾക്ക് മുമ്പ് മരിച്ച വിശുദ്ധന്റെ ആത്മീയത ഇന്നും പ്രസക്തമാണെന്ന സന്ദേശം സമൂഹത്തിൽ എത്തിക്കുകയായിരുന്നുമത്സരത്തിന്റെ ലക്ഷ്യം.
ജൂലൈ 26 ഞായറാഴ്ച വട്ടിയൂർക്കാവ് ലിറ്റിൽ ഫ്ലവർ ഇടവക ഹാളിൽ വച്ചാണ് മത്സരം നടന്നത്. ഫൊറോനയിലെ 8 ഇടവകകളിൽ നിന്നും ഇടവകതല മത്സരങ്ങളിൽ സമ്മാനം നേടിയവരാണ് ഫൊറോനതല മത്സരത്തിൽ പങ്കെടുത്തത്. ഫാ. ലോറൻസ് കുലാസ്, സിസ്റ്റർ സോണി, ശ്രീ. ജ്യോതികുമാർ, ശ്രീമതി. അലിയാമ സൈമൺ എന്നിവരുടെ നേതൃത്വത്തിലാണ് പരിപാടികൾ സംഘടിപ്പിച്ചത്. വിശുദ്ധ ഫ്രാൻസിസ് അസ്സീസിയുടെ ലളിതജീവിതവും പ്രകൃതിസ്നേഹവും കാരുണ്യ പ്രവർത്തനങ്ങളും പുതിയ തലമുറയ്ക്ക് പരിചയപ്പെടുത്തുക എന്നതായിരുന്നു പരിപാടിയുടെ പ്രധാന ഉദ്ദേശ്യമെന്ന് സംഘാടകർ അറിയിച്ചു.
