തിരുവനന്തപുരം ലത്തീൻ അതിരൂപത ലിജിയൻ ഓഫ് മേരിയുടെ നേതൃത്വത്തിൽ ജപമാല റാലി സംഘടിപ്പിച്ചു. സെൻറ് ആൻഡ്രൂസ് ദേവാലയ പരിസരത്ത് നിന്നും, സ്റ്റേഷൻ കടവ് പരിസരത്തു നിന്നും ആരംഭിച്ച ജപമാല റാലിയിൽ ആയിരങ്ങൾ പങ്കെടുത്തു. റാലി സംഗമ വേദിയായ പള്ളിത്തുറ ഇടവക ഗ്രൗണ്ടിൽ സമാപിച്ചു. തുടർന്ന് നടന്ന പൊന്തിഫിക്കൽ സമൂഹ ദിവ്യബലിക്ക് അതിരൂപത സഹായമെത്രാൻ ബിഷപ് ക്രിസ്തുദാസ് മുഖ്യകാർമികത്വം വഹിച്ചു. പള്ളിത്തുറ ഇടവക വികാരി ഫാ. ജോസഫ് പ്രസാദ് സ്വാഗതവും അല്മായ ശുശ്രൂഷ ഡയറക്ടർ ഫാ. ബീഡ് മനോജ് അമാദോ നന്ദിയും പ്രകാശിപ്പിച്ചു. ലീജിയൻ ഓഫ് മേരി കമ്മീസിയം പ്രസിഡൻറ് ബ്രദർ. ക്രിസ്തുദാസ്, ബ്രദർ ജെയിംസ്, ബ്രദർ ടനി റോക്കി, ബ്രദർ സെബാസ്റ്റ്യൻ, സിസ്റ്റർ വിജി എന്നിവർ റാലിക്ക് നേതൃത്വം നൽകി .
ലിജിയൻ ഓഫ് മേരിയുടെ നേതൃത്വത്തിൽ അതിരൂപതാതല ജപമാല റാലി നടത്തി
