ഉമ്മൻചാണ്ടിയുടെ വിയോഗത്തിൽ അനുശോചിച്ച് ആർച്ച് ബിഷപ്പ് എമിരിറ്റസ് സൂസപാക്യം എം. ഏറെ ആദരണീയനായ ശ്രീ. ഉമ്മൻചാണ്ടിയുടെ നിര്യാണവാർത്ത ദുഃഖ ത്തോടെയാണ് ശ്രവിച്ചത്. നിസ്വാർത്ഥ സേവനത്തിന്റെയും ത്യാഗ പൂർണ്ണമായ ആത്മസമർപ്പണത്തിന്റെയും ആൾരൂപമായിരുന്നു. പരേതനായ ശ്രീ. ഉമ്മൻചാണ്ടി. അഗാധമായ ദൈവവിശ്വാസവും ദൈവാശ്രയ ബോധവുമായിരുന്നു ശ്രീ. ഉമ്മൻ ചാണ്ടിയുടെ ജീവിത വിജയത്തിന്റെ അടിത്തറ.
സംസ്ഥാന ഭരണാധിപൻ എന്ന നിലയിലും പൊതുപ്രവർത്തകൻ എന്ന നിലയിലും ശ്രീ. ഉമ്മൻചാണ്ടിയുമായി അനേകവർഷത്തെ ഊഷ്മള ബന്ധം തിരുവനന്തപുരം ലത്തീൻ അതിരൂപതയ്ക്കുണ്ട്. അദ്ദേഹം ഈ സമൂഹത്തിന് വേണ്ടി ചെയ്ത എല്ലാ സേവനങ്ങളെയും നന്ദിയോടെ സ്മരിക്കുകയും ശ്രീ. ഉമ്മൻചാണ്ടിയുടെ ആത്മശാന്തിക്കായ് പ്രാർത്ഥിക്കുകയും ചെയ്യുന്നു
