എഡിൻബറോ: സ്കോട്ട്ലൻഡിലെ എഡിൻബറോയിൽ നടന്ന എട്ടാമത് ഇന്റർനാഷണൽ മറൈൻ കൺസർവേഷൻ കോൺഗ്രസിൽ (IMCC8) കേരളത്തിൽനിന്നുള്ള ഡെലിഗേറ്റായി ഓഷ്യൻ സ്റ്റുഡന്റ്സ് കമ്മ്യൂണിറ്റി (OSC) സ്ഥാപകനും ഡയറക്ടറുമായ ജെയ്സൺ ജോൺ പങ്കെടുത്തു. ആഗോള സമുദ്രസംരക്ഷണ വേദിയിൽ കേരളത്തിലെ തീരദേശ സമൂഹങ്ങളുടെ അനുഭവങ്ങളും യുവജന പങ്കാളിത്തത്തിന്റെ പ്രാധാന്യവും അദ്ദേഹം അവതരിപ്പിച്ചു. 2020-ൽ ആരംഭിച്ച OSCയിലൂടെ 5,000-ത്തിലധികം വിദ്യാർത്ഥികളെയും 300-ലധികം യുവ വോളന്റിയർമാരെയും ഉൾപ്പെടുത്തി 150-ലധികം പരിസ്ഥിതി-വിദ്യാഭ്യാസ പരിപാടികൾക്ക് നേതൃത്വം നൽകിയിട്ടുണ്ട്. തീരദേശ യുവജനങ്ങളെ സമുദ്രസംരക്ഷണത്തിന്റെ നേതൃനിരയിലേക്ക് ഉയർത്തുകയെന്ന ലക്ഷ്യത്തോടെയുള്ള അദ്ദേഹത്തിന്റെ പ്രവർത്തനങ്ങൾ കേരളത്തിന്റെ യുവജനശബ്ദത്തിന് അന്താരാഷ്ട്ര വേദിയിൽ ശ്രദ്ധ നേടിക്കൊടുത്തു.

