പുതുക്കുറിച്ചി: കെ.സി.വൈ.എം. പുതുക്കുറിച്ചി ഫൊറോനയുടെ ആഭിമുഖ്യത്തിൽ ‘മിഴിവ് 2026’ എന്നപേരിൽ യുവജന സംഗമം നടത്തി. പുതുക്കുറിച്ചി ഔർ ലേഡി ഓഫ് മേഴ്സി ഹയർ സെക്കൻഡറി സ്കൂളിൽ വെച്ചുനടന്ന ചടങ്ങ് ചിറയിൻകീഴ് നിയോജനമണ്ഡലം എം.എൽ.എ. രമ്യ ഹരിദാസ് ഉദ്ഘാടനം ചെയ്തു. കെ.സി.വൈ.എം. പുതുക്കുറിച്ചി ഫൊറോന പ്രസിഡന്റ് സോജൻ ജോണി അധ്യക്ഷത വഹിച്ച സമ്മേളനത്തിൽ ഫൊറോന ഡയറക്ടർ ഫാ. ആന്റോ ബൈജു സ്വാഗതം പറഞ്ഞു. ഫൊറോന സെക്രട്ടറി ഗ്രീഷ്മ എബിൻ വാർഷിക റിപ്പോർട്ട് അവതരിപ്പിച്ചു. പുതുക്കുറിച്ചി ഫൊറോന വികാരി റവ. ഡോ. ഹയാസിന്ത് എം. നായകം അനുഗ്രഹ പ്രഭാഷണം നടത്തി.
പുതുക്കുറിച്ചി ഇടവക വികാരി ഫാ. മൈക്കിൾ തോമസ്, കെസിവൈഎം രൂപത ഡയറക്ടർ ഫാ. ഡാർവിൻ ഫെർണാണ്ടസ്, കഠിനംകുളം പഞ്ചായത്ത് പ്രസിഡന്റ് അഡ്വ. ജോസ് നിക്കോളാസ്, പുത്തൻതോപ്പ് വാർഡ് മെമ്പർ അഡ്വ. ആന്റണി ഫിനു എന്നിവർ ചടങ്ങിൽ ആശംസകൾ അർപ്പിച്ച് സംസാരിച്ചു. ഫൊറോനയുടെ വിവിധ ഇടവകകളിൽ നിന്നായി നൂറുലധികം യുവജനങ്ങൾ ഈ സംഗമത്തിൽ പങ്കെടുത്തു. ചടങ്ങിൽ വിശിഷ്ടാതിഥിയായെത്തിയ രമ്യ ഹരിദാസിന് കെ.സി.വൈ.എം. ഫൊറോനയുടെ സ്നേഹോപഹാരം സമർപ്പിച്ചു.
