പേട്ട: പേട്ട ഫൊറോന സാമൂഹ്യ ശുശ്രൂഷ സമിതിയുടെ നേതൃത്വത്തിൽ KLM, SHG, പ്രവാസി സംരംഭകർക്കായി ‘നില്ലിടം ഓണം വിപണനമേള’ നടത്തി. മേള പേട്ട ഫൊറോന സാമൂഹ്യ ശുശ്രൂഷ സമിതി കോഡിനേറ്റർ ഫാ. പോൾ പഴങ്ങാട് ഉദ്ഘാടനം ചെയ്തു. ഓണാഘോഷത്തോടനുബന്ധിച്ച് നടന്ന വിപണനമേളയിൽ ഭക്ഷ്യവസ്തുക്കൾ, പരമ്പരാഗത ഓണം വിഭവങ്ങൾ എന്നിവയുടെ വിപണനവും കരകൗശല വസ്തുക്കൾ, ചിത്രങ്ങൾ എന്നിവയുടെ വിൽപനയും പ്രദർശനവും നടന്നു. ഫൊറോന പ്രവാസി സമിതിയുടെ ഭാഗമായി (ഗർഷോം) പ്രവാസി ക്ഷേമനിധി അംഗത്വത്തിനായി അവബോധം നൽകുന്ന വിധത്തിൽ ഹെൽപ്പ് ഡെസ്കിന്റെ സേവനവും ലഭ്യമാക്കി. ഓണക്കളികളും, കലാപരിപാടികളും പ്രവാസി, SHG അംഗങ്ങൾ അവതരിപ്പിച്ചത് മേളയെ വർണാഭമാക്കി. പേട്ട ഫൊറോന സാമൂഹ്യ ശുശ്രൂഷ സമിതി സെക്രട്ടറി ത്രേസ്യ, പ്രോഗ്രാം കമ്മിറ്റി കൺവീനർ ഡോ. സതീഷ്, ഫൊറോന ട്രഷറർ സിന്ധു റെജി , രൂപത കോർഡിനേറ്റർ എബി മാത്യു, ഫൊറോന SHG സെക്രട്ടറി മനില, എന്നിവരും മറ്റുസമിതി അംഗങ്ങളും സന്നിഹിതരായിരുന്നു.
പേട്ട ഫൊറോനയിൽ സാമൂഹ്യ ശുശ്രൂഷ സമിതി ‘നില്ലിടം ഓണം വിപണനമേള’ സംഘടിപ്പിച്ചു
