പുതുക്കുറിച്ചി: പുതുക്കുറിച്ചി ഫെറോനയിൽ KLCWA. KLCA ജനറൽബോഡി യോഗത്തോടനുബന്ധിച്ച് അൽമായർക്ക് സെമിനാർ സംഘടിപ്പിച്ചു. സെമിനാറിന്‌ അതിരൂപത അൽമായ ശുശ്രൂഷ ഡയറക്ടർ ഫാ. ബീഡ് മനോജ് അമാദോ നേതൃത്വം നൽകി. ഇടവക- ഫെറോനാ സംവിധാനങ്ങളിൽ സ്ത്രീകൾക്കുള്ള പ്രാധാന്യം, വരാനിരിക്കുന്ന തദ്ദേശസ്വയംഭരണ തെരഞ്ഞെടുപ്പുകളിൽ പങ്കാളിത്തവും കൂട്ടായ പ്രവർത്തനവും നേതൃത്വവും എന്നിവയായിരുന്നു സെമിനാറിലെ വിഷയങ്ങൾ. അംഗത്വ ക്യാമ്പയിൻ ചർച്ചയ്ക്ക് ശ്രീ രാജു തോമസ് നേതൃത്വം നൽകി. ജനറൽ ബോഡി യോഗത്തിൽ ഫെറോന പ്രസിഡൻറ് ജോളി പത്രോസ് അദ്ധ്യക്ഷത വഹിച്ചു. ഫൊറോന ആനിമേറ്റർ മേരി ഷൈജ സ്വാഗതം അർപ്പിച്ചു. ഫെറോന വൈദിക കോ-ഓർഡിനേറ്റർ ഫാ. അലോഷ്യസ് ആമുഖപ്രഭാഷണം നടത്തി.
പുതുക്കുറിച്ചി ഫെറോനയിൽ അൽമായ ശുശ്രൂഷ പരിശീലന ക്ലാസ്സ് നടത്തി
