വികാസ് നഗർ : പേട്ട ഫെറോനയിലെ വികാസ് നഗർ ഇടവകയിൽ സ്റ്റുഡന്റസ് ഫോറം രൂപീകരിച്ചു. ഇടവക വികാരി ഫാ. ജൂലിയസ് സാവിയോ അധ്യക്ഷത വഹിച്ച ചടങ്ങിൽ ഫെറോനാ വിദ്യാഭ്യാസ ആനിമാറ്റർ ശ്രീമതി ശോഭ സ്റ്റുഡന്റസ് ഫോറത്തിന്റെ ലക്ഷ്യങ്ങളെയും ദർശനങ്ങളെയും കുറിച്ച് വിവരിച്ചു. പ്രീ-പ്രൈമറി തലം മുതലുള്ള എല്ലാ വിദ്യാർത്ഥികളെയും പറനത്തിൽ കൂടുതൽ താല്പര്യമുള്ളവരും ലക്ഷ്യ ബോധത്തോടെ പഠിച്ചു മുന്നേറുന്നവരുമാകുവാൻ വേണ്ട പ്രേരണയും പ്രോത്സാഹനവും മാർഗ്ഗനിർദേശവും പിന്തുണയും നൽകുക എന്നതാണ് സ്റ്റുഡന്റസ് ഫോറത്തിന്റെ ലക്ഷ്യം.
സ്റ്റുഡന്റസ് ഫോറം പ്രസിഡന്റായി ആന്റൺ പോൾ ക്രിസ്റ്റീനെയും വൈസ് പ്രസിഡന്റായി നൈതൻ അനൂപിനെയും സെക്രട്ടറിയായി മരിയ ലില്ലി റോയിയെയും ജോയിന്റ് സെക്രട്ടറിയായി ദിയയെയും ട്രഷറർ ആയി മരിയയെയും തെരഞ്ഞെടുത്തു. ഇടവക വിദ്യാഭ്യാസ കൺവീനർ ശ്രീ സുനിൽ, മതബോധന പ്രധാന അദ്ധ്യാപിക ശ്രീമതി കവിത ജേക്കബ് എന്നിവർ സന്നിഹിതരായിരുന്നു.
