കൊച്ചി: മത്സ്യത്തൊഴിലാളികള്ക്ക് പ്രതിസന്ധിയുണ്ടാവുമ്പോള് മെല്ലെപ്പോക്കു നയം സ്വീകരിക്കുന്നത് മനുഷ്യത്വരഹിതമാണെന്ന് കെസിബിസി. കേരളത്തിന്റെ സൈന്യമെന്ന് വിശേഷിപ്പിക്കുന്ന മത്സ്യത്തൊഴിലാളികള് ഇപ്പോഴത്തെ പ്രളയത്തിലും രക്ഷാപ്രവര്ത്തനത്തിനായി ഓടി എത്തിയവരാണ്. ജീവസന്ധാരണത്തിനായി കടലില് പോകുന്ന മത്സ്യത്തൊഴിലാളികള് കടല്ക്ഷോഭത്തില് പെടുമ്പോള് രക്ഷാപ്രവര്ത്തനങ്ങള് അടിയന്തിരമായി നടത്തുവാനുള്ള സംവിധാനങ്ങള് സജ്ജമാക്കണമെന്ന് കെസിബിസി സംസ്ഥാന സര്ക്കാരിനോട് ആവശ്യപ്പെട്ടു.
കേരളത്തിന്റെ തീരദേശങ്ങളില് അധിവസിച്ച് മത്സ്യബന്ധനം ജീവനോപാധിയാക്കിയിട്ടുള്ള ലക്ഷക്കണക്കിന് മനുഷ്യര് കാലവര്ഷത്തില് ഭീതിയിലാണ് കഴിയുന്നത്. കടലില് അപകടങ്ങള് ഉണ്ടാവുമ്പോള്, മുന്നറിയിപ്പു ലംഘിച്ചുവെന്ന ന്യായം പറഞ്ഞ് രക്ഷാപ്രവര്ത്തനങ്ങളില് അലംഭാവം കാട്ടുന്നത് അക്ഷന്തവ്യമായ അപരാധമാണ്. കോസ്റ്റ്ഗാര്ഡിനും തീരദേശ പോലീസ് സ്റ്റേഷനുകള്ക്കും വിദഗ്ധ പരിശീലനം ലഭിച്ച വ്യക്തികളും ആവശ്യത്തിന് ആധുനിക ഉപകരണങ്ങളും അടിയന്തി രമായി ലഭ്യമാക്കണം. കടലില് തിരച്ചിലിനും രക്ഷാപ്രവര്ത്തനങ്ങള്ക്കും കടലിനെ അറിയാവുന്ന മത്സ്യത്തൊഴിലാളികളുടെ സേവനവും പ്രയോജന പ്പെടുത്തണമെന്ന് കെസിബിസി പ്രസിഡന്റ് ആര്ച്ചുബിഷപ് ഡോ. വര്ഗീസ് ചക്കാലയ്ക്കല് ആവശ്യപ്പെട്ടു.
