ന്യൂഡൽഹി: രാജ്യത്തെ രണ്ട് കുട്ടി നയം പുനഃപരിശോധിക്കണമെന്ന് ആവശ്യപ്പെട്ടിരിക്കുകയാണ് സുപ്രീംകോടതി. 2003-ല്‍ ഇന്ത്യയുടെ ശരാശരി ജനനനിരക്ക് മൂന്ന് ആയിരുന്നത് 1.9 ആയി കുറഞ്ഞെന്നും ജനസംഖ്യാ നിരക്ക് നിലനിര്‍ത്താനാവശ്യമായ 2.1 എന്നതില്‍ നിന്നും താഴേക്കു പോയിരിക്കുകയാണെന്നും രാജ്യ ത്തെ പരമോന്നത നീതിപീഠം നിരീക്ഷിച്ചു. മൂന്നാമതൊരു കുട്ടി ജനിച്ചതിന്റെ പേരില്‍ അയോഗ്യനാക്കപ്പെട്ട മഹാരാഷ്ട്രയിലെ ഒരു മുന്‍ പഞ്ചായത്ത് അംഗത്തിന്റെ ഹര്‍ജിയിലാണ് കോടതിയുടെ ഉത്തരവ്. അയോഗ്യത റദ്ദാക്കിയ കോടതി ഇന്ത്യയിലെ ചില സംസ്ഥാനങ്ങളില്‍ നിലനില്ക്കുന്ന ഇത്തരം നിയമങ്ങള്‍ പുനഃപരിശോധിക്കണമെന്നും വിധിയില്‍ വ്യക്തമാക്കി.
നിലവിലെ ജനസംഖ്യ നിലനിര്‍ത്താന്‍ ആവശ്യമായ ജനനനിരക്ക് 2.1 ആണെന്ന് കോടതി ചൂണ്ടിക്കാട്ടു മ്പോള്‍ കേരളത്തിലെ ഇപ്പോഴത്തെ ജനനനിരക്ക് 1.3 ആണ്. വളരെ ഗുരുതരമായ സാഹചര്യമാണ് കേരളത്തില്‍ നിലനില്ക്കുന്നതെന്ന് വ്യക്തം. കേരളം രൂപംകൊണ്ട 1956ല്‍ കേരള ത്തിലെ ജനസംഖ്യയുടെ 24.6% മായിരുന്നു ക്രൈസ്തവര്‍. 2011 ല്‍ 18.38% മായി കുറഞ്ഞു. 2026ലെ വിവിധ ജനസംഖ്യാ പഠനങ്ങളും വാര്‍ഷിക ജനന-മരണ നിരക്ക് റിപ്പോര്‍ട്ടുകളും സൂചിപ്പിക്കുന്നത് കേരളത്തില്‍ ക്രൈസ്തവ ജനസംഖ്യ 15 ശതമാനമായി കുറഞ്ഞു എന്നാണ്. ആരോഗ്യ വകുപ്പിന്റെ കണക്കുകള്‍ പ്രകാരം നവജാത ശിശുക്കളുടെ ജനനത്തില്‍ ക്രൈസ്തവ വിഭാഗത്തിന്റെ പങ്ക് 14.2% മാത്രമാണ്.
രാജ്യത്തിന്റെ ജനസംഖ്യാ നിയന്ത്രണ നയങ്ങളില്‍ മാറ്റംവരുത്തണമെന്നു കുടുംബാസൂത്രണത്തിന്റെ ഭാഗമായ വന്ധ്യംകരണത്തിന് നല്‍കിവരുന്ന സാമ്പ ത്തിക ആനുകൂല്യങ്ങളും, രണ്ട് കുട്ടികള്‍ എന്ന ആശയത്തിന് നല്‍കുന്ന നയപരമായ പിന്തുണയും പിന്‍വലിക്കണമെന്നും പ്രധാനമന്ത്രി നരേന്ദ്ര മോദിയുടെ സാമ്പത്തിക ഉപദേശക സമിതി അംഗമായ സജ്ജീവ് സന്യാല്‍ മാസങ്ങള്‍ക്കുമുമ്പ് പുറത്തിറക്കിയ റിപ്പോര്‍ട്ടില്‍ ആവശ്യപ്പെട്ടിരുന്നു. The Ghost of Population Past: How Population Control of Persists in India എന്ന ആ റിപ്പോര്‍ട്ടില്‍ കേന്ദ്ര ഗവണ്‍മെന്റ് ഇതുവരെയും നടപടിയൊന്നും സ്വീകരിച്ചിട്ടില്ല. ജനസംഖ്യ ബാധ്യതയല്ല, ആസ്തിയാണെന്ന് പരസ്യമായി പറയുന്ന കത്തോലിക്ക സഭയുടെ നിലപാടുകളാണ് ശരിയെന്ന് കാലംതെളിയിക്കുകയാണ്.
