പരുത്തിയൂർ: പരുത്തിയൂർ ഇടവകയിൽ വിദ്യാഭ്യാസ ശുശ്രൂഷയുടെ നേതൃത്വത്തിൽ ‘അക്ഷരം- അടിസ്ഥാനം’ രണ്ടാം ഘട്ട പദ്ധതിക്ക് തുടക്കം കുറിച്ചു. വാർഡുതലത്തിൽ വ്യത്യസ്ത സമയങ്ങളിലായി നടക്കുന്ന പരിപാടിയിൽ മലയാളം, ഇംഗ്ലീഷ്, ഗണിതം എന്നീ വിഷയങ്ങളിൽ മികവു പുലർത്താൻ വിദ്യാർഥികളെ സഹായിക്കുന്ന ക്ലാസുകൾ നൽകിവരുന്നു. ക്ലാസുകൾക്ക് മേൽനോട്ടം വഹിക്കുന്നത് ഇടവകയിലെ വിദ്യാഭ്യാസ ശുശ്രൂഷ സമിതി അംഗങ്ങളാണ്. ഓരോ ആഴ്ചയും പരീക്ഷയും വിലയിരുത്തലും നടത്തുന്നത് വിദ്യാർഥികളുടെ പഠന നിലവാരം മനസിലാക്കുന്നതിന് സഹായിക്കുന്നു. ഇടവകവികാരി ഫാ. ഡേവിഡ്സൺ ജസ്റ്റസ്, സഹവികാരി ഫാ. സിൽവദാസ് എന്നിവർ പദ്ധതി നിരീക്ഷിച്ച് ആവശ്യമായ മാർഗനിർദ്ദേശങ്ങൾ നൽകുന്നു.
‘അക്ഷരം- അടിസ്ഥാനം’: പരുത്തിയൂർ ഇടവകയിൽ രണ്ടാം ഘട്ട പദ്ധതിക്ക് തുടക്കം കുറിച്ചു
