തൂത്തൂർ: സാമൂഹ്യ ശുശ്രൂഷ സമിതി തൂത്തൂർ ഫെറോനയുടെ ജനറൽ ബോഡി യോഗത്തിൽ വിവിധ സഹായങ്ങൾ വിതരണംചെയ്തു. ഫാ. ടോമി തോമസ് ആധ്യക്ഷത വഹിച്ച ചടങ്ങിൽ ഫെറോന വികാരി ഫാ. സിൽ വസ്റ്റർ കുരിശ് അനുഗൃഹപ്രഭാഷണം നടത്തി. പ്രസ്തുത മീറ്റിംഗിൽ 2024-25 വർഷത്തിലെ പ്രവർത്തനങ്ങളിൽ ഫെറോനാ തലത്തിൽ മികച്ച മികച്ച പ്രവർത്തനം കാഴ്ചവച്ച ഇരയിമ്മതുറൈ ഇടവക നേതൃത്വത്തെ ആദരിച്ചു. കൂടാതെ, ഭവന പുനരുദ്ധാനത്തിന്റെ ചെക്കുകൾ നൽകുകയും, ഭിന്നശേഷി വ്യക്തിക്ക് വീൽചെയർ നൽകുകയും, വിദ്യാർത്ഥികൾക്ക് നോട്ട് ബുക്കുകൾ വിതരണം ചെയ്യുകയും ചെയ്തു. ഫെറോനയിലെ 8 ഇടവകകളുടെ 2025-2026-ലെ വാർഷിക റിപ്പോർട്ടുകളും ഫെറോന റിപ്പോർട്ടും അവതരിപ്പിച്ചു. അതിരൂപത സാമൂഹ്യശുശ്രൂഷ ഡയറക്ടർ ഫാ. ആഷ്ലിൻ ജോസ് പ്രവർത്തന റിപ്പോർട്ടുകളിന്മേലുള്ള നിരീക്ഷണവും മാർഗനിർദ്ദേശങ്ങളും നൽകി. രൂപതാ കാര്യശേഷി വികസന വിഭാഗം കോഡിനേറ്റർ ലീജ സ്റ്റീഫൻ, ഫെറോന ആനിമേറ്റർ കനിജ പീറ്റർ എന്നിവർ സന്നിഹിതരയിരുന്നു.
സാമൂഹ്യ ശുശ്രൂഷ തൂത്തൂർ ഫെറോനയുടെ ജനറൽ ബോഡി യോഗത്തിൽ വിവിധ സഹായങ്ങൾ വിതരണംചെയ്തു
