കാരയ്ക്കാമണ്ഡപം: ഉരുൾ പൊട്ടലിനെ തുടർന്ന് ജീവിതം തകർന്ന വയനാട് ജനതയ്ക്ക് താങ്ങാകാൻ വ്യതസ്തമായ മാർഗ്ഗം സ്വീകരിച്ച് കാരയ്ക്കാമണ്ഡപം ഇടവകയിലെ സ്വയം സഹായസംഘങ്ങൾ. വയനാട് ജനതയെ സഹായിക്കാൻ അതിരൂപത രൂപം നൽ കിയ ധനസഹായ പദ്ധതിയിലേക്കാവശ്യമായ തുകകണ്ടെത്താൻ ബിരിയാണി ചലഞ്ചിലൂടെ 25000/- രൂപ സ്വരൂപിച്ചു. ആഗസ്റ്റ് 25 ഞായറാഴ്ച സ്വരൂപിച്ച തുക അതിരൂപതയിൽ എത്തിച്ചതായി ഇടവക വികാരി ഫാ. ജോൺസൺ അലക്സാണ്ടർ അറിയിച്ചു. വ്യത്യസ്തമായ ആശയത്തിലൂടെ തുകസമാഹരിക്കാൻ പ്രയത്നിച്ച സ്വയംസഹായ സംഘങ്ങളിലെ എല്ലാ അംഗങ്ങൾക്കും ഇടവകവികാരി നന്ദിയും പ്രാർത്ഥനകളും നേർന്നു.
വയനാടിന് താങ്ങാകാൻ ബിരിയാണി ചലഞ്ച് നടത്തി കാരയ്ക്കാമണ്ഡപം ഇടവകയിലെ സ്വയം സഹായസംഘങ്ങൾ
