വലിയതുറ: വലിയതുറ സെന്റ് സേവ്യഴ്സ് ഇടവകയിൽ വിദ്യാഭ്യാസ ശുശ്രൂഷ സമിതിയുടെ നേതൃത്വത്തിൽ അധ്യാപകരെയും വിദ്യാർഥികളെയും ആദരിച്ചു. ഏപ്രിൽ 19 ഞായറാഴ്ച വൈകുന്നേരം നടന്ന ദിവ്യബലിക്കുശേഷം വിദ്യാഭ്യാസ ശുശ്രൂഷ സമിതി കൺവീനർ ഷീബയുടെ അധ്യക്ഷതയിൽ നടന്ന പൊതുസമ്മളനം ഇടവക വികാരി ഫാ. ജോർജ് തെളിയാങ്കൽ ഉദ്ഘാടനം ചെയ്തു. പ്രസ്തുത സമ്മേളനത്തിൽ വിരമിച്ച അധ്യാപകർ, സർക്കാർ- അർദ്ധ സർക്കാർ- സ്വകാര്യ സ്കൂളുകളിൽ സേവനം ചെയ്യുന്ന അധ്യാപകർ, മതബോധന സമിതി അധ്യാപകർ എന്നിവരെ ആദരിച്ചു. തുടർന്ന് BA ഇംഗ്ലീഷ് ലിറ്ററേച്ചറിൽ ഉയർന്ന മാർക്കോടെ വിജയം കരസ്ഥമാക്കിയ ഇടവകയിലെ നിമിഷയെ ആദരിക്കുകയും, ഇടവക തലത്തിൽ നടത്തിയ പൊതുവിജ്ഞാന മത്സരപരീക്ഷയിൽ വിജയികളായ വിദ്യാർത്ഥികൾക്കുള്ള സമ്മാന വിതരണവും നടന്നു. ഫെറോന ആനിമേറ്റർ മേരി ഫാത്തിമ, ഇടവക പാരിഷ് കൗൺസിൽ സെക്രട്ടറി അരുൺ സെൽവരാജ്, ഇടവകാംഗം ഫിലോമജം എന്നിവർ ആശംസകൾ അർപ്പിച്ചു. ഇടവക വിദ്യാഭ്യാസ ശുശ്രൂഷ സമിതി അംഗം ജോൺ ആം സ്ട്രോങ്ങ് സ്വാഗതവും, അധ്യാപക പ്രതിനിധി സജു പോൾസൺ നന്ദിയും പറഞ്ഞു.
