കൊച്ചു തോപ്പ്: കൊച്ചു തോപ്പ് ഇടവക വിദ്യാഭ്യാസ ശുശ്രൂഷ സമിതിയുടെ ആഭിമുഖ്യത്തിൽ നാലു മുതൽ പ്ലസ് ടു ക്ലാസ് വരെയുള്ള വിദ്യാർത്ഥികളെ പങ്കെടുപ്പിച്ചുകൊണ്ട് സ്റ്റുഡൻസ് ഫോറം രൂപീകരിച്ചു. ഇടവക വികാരി ഫാ. ബിജിൻ ബെസ്ലി സ്റ്റുഡൻസ് ഫോറത്തിന്റെ ലക്ഷ്യം വിശദീകരിച്ചു . ഫെറോന ആനിമേറ്റർ മേരി ഫാത്തിമ സ്റ്റുഡൻസ് ഫോറത്തിന്റെ പ്രവർത്തനങ്ങൾ, യോഗ സഹായി എന്നിവ വിദ്യാർത്ഥികൾക്ക് പരിചയപ്പെടുത്തി. ഇടവക മതബോധന സമിതി ഹെഡ്മാസ്റ്റർ ബ്രിട്ടോ സൈമൺ സ്റ്റുഡൻസ് ഫോറത്തിൽ വിദ്യാഭ്യാസത്തോടൊപ്പം നേതൃത്വ നിരയിലേക്കും, സംഘടനാ പാഠവത്വത്തിലേക്കും, അവർക്കുണ്ടാകുന്ന വളർച്ചയെക്കുറിച്ചും വിശദീകരിച്ചു. തുടർന്ന് നാല് മുതൽ ഏഴാം ക്ലാസ് വരെയുള്ള ഗ്രൂപ്പിലെ വിദ്യാർത്ഥികളുടെ സ്റ്റുഡൻസ് ഫോറം എക്സിക്യൂട്ടീവ് അംഗങ്ങളെയും എട്ടു മുതൽ പ്ലസ് ടു ക്ലാസ് വരെയുള്ള വിദ്യാർത്ഥികളുടെ ഗ്രൂപ്പിലെ എക്സിക്യൂട്ടീവ് അംഗങ്ങളെയും തെരഞ്ഞെടുത്തു. സ്റ്റുഡൻസ് ഫോറം രൂപീകരണത്തിൽ 98 വിദ്യാർത്ഥികളുടെ പങ്കാളിത്തം ഉണ്ടായിരുന്നു. ഇടവക വിദ്യാഭ്യാസ ശുശ്രൂഷ സമിതി എക്സിക്യൂട്ടീവ് അംഗം സ്റ്റെഫി സ്വാഗതവും, ജെറീഷ്യ നന്ദിയും പറഞ്ഞു.
കൊച്ചു തോപ്പ് ഇടവകയിൽ സ്റ്റുഡൻസ് ഫോറം രൂപീകരിച്ചു
