വെള്ളയമ്പലം: അൽമായ ശുശ്രൂഷ അതിരൂപത സമിതിയുടെ വട്ടിയൂർക്കാവ് ഫെറോന സന്ദർശനത്തിന്റെ ഭാഗമായി വെള്ളയമ്പലം ലിറ്റിൽ ഫ്ലവർ ദൈവാലയത്തിൽ ശുശ്രൂഷ സമിതിയംഗങ്ങളുടെ കൂടിവരവ് നടത്തി. സന്ദർശനത്തോടനുബന്ധിച്ച് അൽമായ ശുശ്രൂഷ ഡയറക്ടർ ഫാ. ബീഡ് മനോജിന്റെ മുഖ്യകാർമികത്വത്തിൽ ദിവ്യബലിയർപ്പണം നടന്നു. തുടർന്ന് നടന്ന കൂടിവരവ് അൽമായ ശുശ്രൂഷ ഡയറക്ടർ ഉദ്ഘാടനം ചെയ്തു. അതിരൂപത അൽമായ ശുശ്രൂഷ കൺവീനർ ആന്റണി ആൽബർട്ട്, KLCA അതിരൂപത പ്രസിഡന്റ് സുരേഷ് പീറ്റർ, ഫെറോന ആനിമേറ്റർ റീന ഷാജി ഇടവക വികാരി ഫാ. ജസ്റ്റിൻ ജൂഡ് എന്നിവർ ആശംസകളർപ്പിച്ച് സംസാരിച്ചു. ഇടവക കൺവീനർ ഡോ. ലോല വാർഷിക റിപ്പോർട്ട് അവതരിപ്പിച്ചു. തുടർന്ന് നടന്ന ചർച്ചയിൽ അല്മായ ശാക്തികരണത്തെ കുറിച്ചും ഭാവിപരിപാടികളെ കുറിച്ചും അംഗങ്ങൾ അഭിപ്രായങ്ങൾ പങ്കുവച്ചു. യോഗത്തിൽ എഡ്വിൻ സ്വാഗതവും അഗസ്റ്റിൻ കൃതജ്ഞതയും പറഞ്ഞു.
അതിരൂപത അൽമായ ശുശ്രൂഷ അതിരൂപത സമിതിയുടെ വട്ടിയൂർക്കാവ് ഫെറോന സന്ദർശിച്ചു
