വെള്ളയമ്പലം: ജെ.ബി. കോശി കമ്മീഷന് ശുപാര്ശകള് സര്ക്കാര് നടപ്പിലാക്കാത്ത സാഹചര്യത്തില് സർക്കാരിനെക്കൊണ്ട് നടപ്പിലാക്കാനുള്ള പ്രവർത്തനങ്ങളിൽ ഓരോ സമുദായംഗവും മുന്നിട്ടിറങ്ങണമെന്ന് തിരുവനന്തപുരം ലത്തീൻ അതിരൂപത മെത്രാപ്പോലീത്ത തോമസ് ജെ. നെറ്റോ പറഞ്ഞു. ഇതിനായി ഫൊറോനകളിലും ഇടവകകളിലും വിശദീകരണ യോഗങ്ങള് നടത്തണമെന്നും അദ്ദേഹം അതിരൂപതാ മക്കളോട് ആവശ്യപ്പെട്ടു. സംസ്ഥാന തലത്തില് കേരള ലാറ്റിന് കാത്തലിക് അസോസിയേഷന് (KLCA) നടപ്പിലാക്കുന്ന ആയിരം യോഗങ്ങളുടെ തിരുവനന്തപുരം അതിരൂപതാതല ഉദ്ഘാടനം നിര്വ്വഹിച്ചുകൊണ്ട് സംസാരിക്കുകയായിരുന്നു അഭിവന്ദ്യ മെത്രാപ്പൊലീത്ത. KLCA അതിരൂപതാ പ്രസിഡന്റ് ശ്രീ. പാട്രിക് മൈക്കള് അധ്യക്ഷത വഹിച്ച യോഗത്തില് തോമസ് ജെ നെറ്റോ പിതാവില് നിന്ന് KLCA, KLCWA, DCMS, KCYM സംഘടനകളുടെയും BCC കമ്മീഷന്റെയും പ്രതിനിധികളായ പാട്രിക് മൈക്കള്, വിമല സ്റ്റാന്ലി, ജോര്ജ്ജ് എസ് പള്ളിത്തുറ, ആഗ്നസ് ബാബു എന്നിവര് ഫലകം ഏറ്റുവാങ്ങി.
ജെ.ബി. കോശി കമ്മീഷന് ശുപാര്ശകളെ കുറിച്ചുള്ള ക്ലാസ് KLCA സംസ്ഥാന പ്രസിഡന്റ് ഷെറി ജെ തോമസ് നയിച്ചു. KLCA സംസ്ഥാന ജനറല് സെക്രട്ടറി ബിജു ജോസി കരുമാഞ്ചേരി, അതിരൂപതാ അല്മായ ശുശ്രൂഷാ ഡയറക്ടര് ഫാ. മൈക്കള് തോമസ്, ബി.സി.സി. എക്സിക്യൂട്ടീവ് സെക്രട്ടറി ഫാ. ഡാനിയേല് ആര്., KLCA സംസ്ഥാന ട്രഷറര് രതീഷ് ആന്റണി, പാസ്റ്ററല് കൗണ്സില് സെക്രട്ടറി ഇഗ്നേഷ്യസ് തോമസ്, അതിരൂപതാ അല്മായ ശുശ്രൂഷാ അസിസ്റ്റന്റ് ഡയറക്ടര് നിക്സണ് ലോപ്പസ് തുടങ്ങിയവര് ആശംസകള് അര്പ്പിച്ചു. വെള്ളയമ്പലം പാരിഷ് കൗണ്സില് സെക്രട്ടറി ബിനോയ് ജോസഫ് സ്വാഗതം ആശംസിക്കുകയും പേട്ട ഇടവക ബി.സി.സി. കോര്ഡിനേറ്റര് സുമ ജോസ് നന്ദി അറിയിക്കുകയും ചെയ്തു. ഫെറോനകളില് നിന്നും ഇടവകകളില് നിന്നും ഇടവക പാരിഷ് കൗണ്സില് സെക്രട്ടറിമാര് ഇടവക ബി.സി.സി. കോര്ഡിനേറ്റര്, അല്മായ ശുശ്രൂഷാ കണ്വീനര്മാര് KLCA, KLCWA, DCMS, KCYM തുടങ്ങിയ സംഘടനകളുടെ പ്രതിനിധികളും യോഗത്തില് പങ്കെടുത്തു.
