വെട്ടുകാട്: വെട്ടുകാട് ഇടവകയിൽ വിദ്യാഭ്യാസ ശുശ്രൂഷ സമിതിയും മതബോധന സമിതിയും സംയുക്തമായി എസ്.എസ്.എൽ.സി, ഹയർ സെക്കന്ററി കുട്ടികൾക്കായി കരിയർ ഗൈഡൻസ് ക്ലാസ്സ് സംഘടിപ്പിച്ചു. ഏപ്രിൽ 19 ഞായറാഴ്ച നടന്ന ക്ലാസിന് മരിയൻ എൻജിനീയറിങ് കോളേജിലെ മുൻ CSE വകുപ്പ് മേധാവിയും നിലവിൽ ടെക്നോപാർക്കിൽ പൊള്സ് സൊല്യൂഷൻ മാനേജരായും സേവനം ചെയുന്ന ജോസ് ഹോർമെസ് നേതൃത്വം നൽകി. വിവിധ സ്ട്രീമുകൾ അവ തിരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ, വിവിധ കോഴ്സുകൾ, അവയുമായി ബന്ധപ്പെട്ട തൊഴിൽ മേഖലകൾ, വിവിധ എൻട്രൻസ് പരീക്ഷകൾ എന്നിവയെക്കുറിച്ച് ക്ലാസ്സിൽ വിശദീകരിച്ചു. 110 വിദ്യാർത്ഥികളുടെ പങ്കാളിത്തം ഉണ്ടായിരുന്നു. വിദ്യാഭ്യാസ ശുശ്രൂഷ സമിതി പ്രതിനിധികൾ, ഫെറോന ആനിമേറ്റർ മേരി ഫാത്തിമ എന്നിവർ ക്ലാസിൽ സന്നിഹിതരായിരുന്നു. ഇടവക മതബോധന സമിതി ക്ലാസിന് വേണ്ട ക്രമീകരണങ്ങൾ നടത്തി. ഇടവക വിദ്യാഭ്യാസ ശുശ്രൂഷ സമിതി കൺവീനർ നിഷ സ്വാഗതവും വിദ്യാഭ്യാസ ശുശ്രൂഷ സമിതി എക്സിക്യൂട്ടീവ് അംഗം ജോർജ് നന്ദിയും പറഞ്ഞു.
