പരുത്തിയൂർ: സാമൂഹ്യ ശുശ്രൂഷ സമിതി പുല്ലുവിള ഫെറോനയുടെ നേതൃത്വത്തിൽ പരുത്തിയൂർ ഇടവക എക്സിക്യൂട്ടീവ് അംഗങ്ങൾ, വോളണ്ടിയേഴ്സ്, KLM സമിതി അംഗങ്ങൾ, എന്നിവർക്കായി പ്രഥമ ശുശ്രൂഷ പരിശീലനം സംഘടിപ്പിച്ചു. CPR, ചോക്കിങ്, ഗാർഹിക അപകടങ്ങൾ, പേപ്പട്ടി വിഷബാധ, പാമ്പ് വിഷബാധ, തീ പൊള്ളൽ, എന്നീ അപകട സാഹചര്യങ്ങളിൽ ചെയ്യേണ്ട പ്രാഥമിക ചികിത്സാരീതികളെ കുറിച്ച് വിഴിഞ്ഞം പോലീസ് ഫയർ ആൻഡ് റെസ്ക്യൂ ഓഫീസർ സന്തോഷ് കുമാർ ക്ലാസ് നയിച്ചു. സാമൂഹ്യ ശുശ്രൂഷ സമിതി ഫെറോന ആനിമേറ്റർ ശ്രുതി, ഇടവക സാമൂഹ്യ ശുശ്രൂഷ സെക്രട്ടറി സ്റ്റെല്ലസ്, സിസ്റ്റർ ആനിമേറ്റർ സിസ്റ്റർ ലിസി, വാർഡ് മെമ്പർ മേരി അലക്സ്, KLM ഇടവക പ്രസിഡന്റ് സുനിത എന്നിവർ ആശംസകൾ അറിയിച്ചു. 44 അംഗങ്ങളിലേക്ക് പ്രഥമ ശുശ്രൂഷ പരിശീലനം നൽകുവാൻ സാധിച്ചു.
സാമൂഹ്യ ശുശ്രൂഷ സമിതി പുല്ലുവിള ഫെറോന പ്രഥമ ശുശ്രൂഷ പരിശീലനം സംഘടിപ്പിച്ചു
