പരുത്തിയൂർ: കുട്ടികകളിൽ സർഗവാസനയും, അറിവും, കായികാഭിരുചിയും, വിവര സാങ്കേതിക വിദ്യയും വളർത്തുന്നതിന്റെ ഭാഗമായി ‘BONANZA -2026 SUMMER FEST’ ന് പരുത്തിയൂർ ഇടവകയിൽ തുടക്കംകുറിച്ചു. ഏപ്രിൽ 4 തിങ്കളാഴ്ച വൈകുന്നേരം 5 മണിക്ക് വിളംബര റാലിയോടുകൂടി ആരംഭിച്ച ഉദ്ഘാടന സമ്മേളനത്തിൽ ഇടവകവികാരി ഫാ. ഡേവിഡ്സൺ ജസ്റ്റസ് അധ്യക്ഷത വഹിച്ചു. സിവിൽ സർവീസ് പരീക്ഷയിൽ 57-ാം റാങ്ക് കരസ്ഥമാക്കിയ ശ്രീജ. ജെ. എസ് ഉദ്ഘാടനം നിർവഹിച്ചു. അതിരൂപത വിദ്യാഭ്യാസ ശുശ്രൂഷ ഡയറക്ടർ ഫാ. സജു റോൾഡൺ അനുഗ്രഹ പ്രഭാഷണം നടത്തി. സഹവികാരി ഫാ. സിൽവദാസൻ, വിദ്യാഭ്യാസ ശുശ്രൂഷ കൺവീനർ ജോണി സി. ദാസ്, ഇടവക സെക്രട്ടറി പുഷ്പരാജ്. സി, ഉദയ പ്രസിഡന്റ് മിഥുൻ വിൽവെറ്റ് എന്നിവർ ആശംസകൾ നേർന്നു. ശ്രീജ. ജെ. എസ്, ഫാ. സജു റോൾഡൺ എന്നിവരെ ചടങ്ങിൽ ആദരിച്ചു. രണ്ടുമാസം നീണ്ടുനിൽക്കുന്ന BONANZA -2026 SUMMER FEST-ൽ കമ്പ്യൂട്ടർ പരിജ്ഞാനം, സ്പോക്കൺ ഇംഗ്ലീഷ്, പിയാനോ ക്ലാസ്, ശാസ്ത്രീയ സംഗീതം, ചിത്രരചന, സിനിമാറ്റിക് ഡാൻസ്, സുംബാ ഡാൻസ് എന്നിവയുടെ പരിശീലനം നൽകും. ക്യാമ്പ് മേയ് 31-ന് സമാപിക്കും.
‘BONANZA 2026’; പരുത്തിയൂർ ഇടവകയിൽ രണ്ടുമാസം നീണ്ടുനിൽക്കുന്ന സമ്മർ ക്യാമ്പിന് തുടക്കമായി
