തിരുവനന്തപുരം: കെസിവൈഎം തിരുവനന്തപുരം ലത്തീൻ അതിരൂപതയുടെ നേതൃത്വത്തിൽ ലീഡേഴ്‌സ് ട്രെയിനിങ് നടത്തി. അതിരൂപത സാമൂഹ്യ ശുശ്രൂഷയുമായി ചേർന്നുനടത്തിയ പരിശീലന പരിപാടിയിൽ വിവിധ ഫെറോനകളിൽ നിന്നും നൂറോളം യുവജനങ്ങൾ പങ്കെടുത്തു. അതിരൂപത സാമൂഹ്യ ശുശ്രൂഷ ഡയറക്ടർ ഫാ. ആഷ്‌ലിൻ ജോസ്, PSC ട്രെയിനർ സുനിൽ ജോൺ എന്നിവർ ട്രെയിനിങ് സെഷനുകൾ കൈകാര്യം ചെയ്തു. ജൂൺ 28 ന് വെള്ളയമ്പലം TSSS ഹാളിൽ വച്ച് നടന്ന പരിപാടിയിൽ കത്തോലിക്ക സഭയുടെ വളർച്ചയിൽ യുവജനങ്ങളുടെ പങ്ക്, യുവജനങ്ങളും സർക്കാർ ജോലിയും എന്ന വിഷയങ്ങളെ പറ്റി പ്രത്യേക ക്ലാസുകൾ നൽകി. തിരുവനന്തപുരം അതിരൂപത കെ. സി. വൈ. എം. പ്രസിഡന്റ് ജോൺ ബ്രിട്ടോ വാൾട്ടർ, ഡയറക്ടർ ഫാ. ഡാർവിൻ ഫെർണാണ്ടസ്, ജനറൽ സെക്രട്ടറി രാജീവ്. ആർ, അനിമേറ്റർ സിസ്റ്റർ ആൻസി എന്നിവർ സന്നിഹിതരായിരുന്നു.
കെസിവൈഎം തിരുവനന്തപുരം അതിരൂപത ലീഡേഴ്‌സ് ട്രെയിനിങ് നടത്തി
