ലോക ലഹരി വിരുദ്ധ ദിനത്തിൽ സെക്രട്ടറിയേറ്റിന് മുൻപിൽ കെസിബിസി മദ്യവിരുദ്ധ സമിതിയുടെ ഭാഗമായി പ്രതിഷേധിച്ചവരെ അറസ്റ്റ് ചെയ്തു. സംസ്ഥാന ഡയറക്ടർ ഫാദർ ജോൺ അരീക്കൽ, സംസ്ഥാന വൈസ് പ്രസിഡന്റും, തിരുവനന്തപുരം അതിരൂപതാ പ്രിസഡന്റുമായി ശ്രീ അജിത് ശംഖുമുഖം എന്നിവരെയാണ് സമാധാനപരമായി, സെക്രട്ടറിയേറ്റിന് മുൻപിൽ മദ്യ വിരുദ്ധ സന്ദേശ പ്ലക്കാർഡുകളുമായി പ്രതിഷേധിക്കുന്നതിനിടയിൽ അറസ്റ്റ് ചെയ്തത്. തുടർന്ന് കണ്ടോൺമെൻറ് പോലീസ് സ്റ്റേഷനിലെത്തിക്കുകയും കേസെടുക്കുകയുമാണുണ്ടായത്.
കൊറോണാ വ്യാപനത്തിന്റെ കാലത്തും ജനങ്ങൾ ബിവറേജസ് ഔട്ടലെറ്റിന്റെ മുൻപിൽ അപകടകരമായ തരത്തിൽ കൂട്ടം കൂടി നിന്ന് മദ്യം വാങ്ങുന്നതിനിടയിലാണ് സമാധാനപരമായി പ്രതീകാത്മകമായി പ്രതിഷേധിക്കുന്നവരെപ്പോലും അറസ്റ്റ് ചെയ്ത് പോലീസ് മാതൃകകാട്ടുന്നത്.
സാമൂഹിക വിപത്തിനെതിരെ പ്രതിഷേധിക്കുന്നവരെ അറസ്റ്റ് ചെയ്തതിൽ കെസിബിസി മദ്യവിരുദ്ധ സമിതി സംസ്ഥാന സെക്രട്ടറിയേറ്റ് പ്രതിഷേധം രേഖപ്പെടുത്തി.
