സിവിൽ സർവീസ് പരീക്ഷക്കായി അതിരൂപതയിലെ കുട്ടികൾക്ക് പരിശീലനം നൽകി വരുന്ന സിവിൽ സർവീസ് 2023-24 ബാച്ച് ഫൌണ്ടേഷൻ ക്ലാസുകൾ ആരംഭിച്ചു. 2021ൽ ആരംഭിച്ച ഫൗണ്ടേഷൻ ക്ലാസിന്റെ തുടർച്ചയായി 2023 -24 വർഷത്തേക്കുള്ള പുതിയ ബാച്ചിന്റെ ഉദ്ഘാടനം ജൂൺ 28 വെള്ളിയാഴ്ച രാവിലെ 10:30 ന് അതിരൂപത ആർ സി സ്കൂൾ മാനേജർ ഫാ. ഡയസൺ നിർവഹിച്ചു.
വെള്ളയമ്പലം ആനിമേഷൻ സെൻററിൽ വച്ച് അതിരൂപത വിദ്യാഭ്യാസ ശുശ്രൂഷ ഡയറക്ടർ ഫാ. സജു റോൾഡന്റെ അധ്യക്ഷതയിൽ നടന്ന പരിപാടിയിൽ എട്ടാം ക്ലാസ് മുതൽ പന്ത്രണ്ടാം ക്ലാസ് വരെയുള്ള 80 കുട്ടികൾക്ക് സിവിൽ സർവീസ് മേഖലയെക്കുറിച്ച് ശ്രീ ദിലീപ് കൈനിക്കര ഐ.എ.എസ് തന്റെ അനുഭവങ്ങളിലൂടെ കുട്ടികളോട് സംവദിച്ചു.
