തിരുവനന്തപുരം: തിരുവനന്തപുരം ലത്തീൻ അതിരൂപത കുടുംബപ്രേഷിത ശുശ്രൂഷയുടെ നേതൃത്വത്തിൽ ജൂൺ 21-ഞായറാഴ്ച ഇടവകകളിൽ പിതൃദിനം വിവിധ പരിപാടികളോടെ ആചരിച്ചു. ഇടവകകളിൽ പ്രത്യേക ദിവ്യബലി അർപ്പിക്കുകയും പിതാക്കന്മാർക്കായി പ്രത്യേക പ്രാർത്ഥനകൾ നടത്തുകയും ചെയ്തു. പിതാക്കന്മാരുടെ കുടുംബജീവിതത്തിലും സഭയിലും സമൂഹത്തിലുമുള്ള വിലമതിക്കാനാവാത്ത സംഭാവനകളെ ആദരിക്കുന്നതിനായി വിവിധ പരിപാടികൾ സംഘടിപ്പിച്ചു. കലാപരിപാടികൾ, മത്സരങ്ങൾ, സമ്മാനവിതരണം എന്നിവയോടൊപ്പം ഇടവകകളിൽ പിതൃഫോറം രൂപീകരിച്ച് പിതാക്കന്മാരുടെ ആത്മീയവും സാമൂഹികവുമായ വളർച്ചയ്ക്ക് പ്രോത്സാഹനം നൽകുന്ന പ്രവർത്തനങ്ങൾക്ക് തുടക്കമിട്ടു. ഈ ആഘോഷങ്ങൾ കുടുംബബന്ധങ്ങൾ കൂടുതൽ ശക്തിപ്പെടുത്തുന്നതിനും പിതാക്കന്മാരുടെ ഉത്തരവാദിത്തബോധവും കുടുംബത്തിലെ അവരുടെ മഹത്തായ പങ്കും കൂടുതൽ ഊട്ടിയുറപ്പിക്കുന്നതിനും സഹായകമായാതായി ദിനാചരണത്തിൽ പങ്കെടുത്തവർ പറഞ്ഞു.
കുടുംബപ്രേഷിത ശുശ്രൂഷയുടെ നേതൃത്വത്തിൽ ഇടവകകളിൽ പിതൃദിനമാചരിച്ചു
