തിരുവനന്തപുരം: തിരുവനന്തപുരം ലത്തീൻ അതിരൂപത കുടുംബപ്രേഷിത ശുശ്രൂഷയുടെ നേതൃത്വത്തിൽ 2026 ജൂൺ 28-ഞായറാഴ്ച വിവിധ ഇടവകകളിൽ നവോമി ദിനം അർഥവത്തായി ആചരിച്ചു. ആഘോഷത്തിന്റെ ഭാഗമായി ഇടവകകളിൽ വിധവകളുടെ നേതൃത്വത്തിൽ ദിവ്യബലിയർപ്പിച്ച് പ്രാർഥിച്ചു. കൂടാതെ വ്യക്തിത്വവികസനത്തിനും, ആത്മവിശ്വാസം വർധിപ്പിക്കുന്നതിനുമായി മോട്ടിവേഷൻ ക്ലാസുകൾ, തൊഴിൽ പരിശീലനം, വിവിധ കലാപരിപാടികൾ, സമ്മാന വിതരണങ്ങൾ എന്നിവ സംഘടിപ്പിച്ച് ദിനാചരണം അർഥവത്താക്കി. ദിനാചരണത്തിലൂടെ വിധവകൾ ഒറ്റപ്പെട്ടവരല്ലെന്നും സഭയും സമൂഹവും എന്നും അവർക്കൊപ്പമുണ്ടെന്ന സന്ദേശം നല്കാൻ സാധിച്ചു. വിവിധ ഇടവകകളിലെ വൈദികർ, സന്യസ്തർ, കുടുംബപ്രേഷിത പ്രവർത്തകർ, ഇടവകാംഗങ്ങൾ എന്നിവർ പരിപാടികൾക്ക് നേതൃത്വം നൽകി.
കുടുംബപ്രേഷിത ശുശ്രൂഷയുടെ നേതൃത്വത്തിൽ ഇടവകകളിൽ നവോമി ദിനമാചരിച്ചു
