കഴക്കൂട്ടം: മരിയൻ എഡ്യൂസിറ്റിയുടെ സോഷ്യൽ ഔട്ട് റീച്ച് പ്രോഗ്രാമായ M.touch (Marian Touch) നിർധന കുടുംബത്തിന് വീട് പുനരുദ്ധരിച്ചു നൽകി. ഓട്ടിസം സ്പെക്ട്രത്തിൽപെട്ട ഇരട്ടക്കുട്ടികളുള്ള കുടുംബത്തിന് ഭവനം എന്ന സ്വപ്നം യാഥാർത്ഥ്യമാക്കിയത് മരിയൻ കോളേജ് ഓഫ് ആർക്കിടെക്ചർ ആൻഡ് പ്ലാനിങ്ങിലെ അധ്യാപകരുടെയും വിദ്യാർത്ഥികളുടെയും മുരള്യാ ഗ്രൂപ്പ് ഉൾപ്പെടെയുള്ള ഒട്ടേറെ ഉപകാരികളുടെയും സഹകരണത്തോടെയാണ്. തിരുവനന്തപുരം അതിരൂപത മെത്രാപോലീത്ത മോസ്റ്റ് റവ. ഡോ. തോമസ് ജെ. നെറ്റോ ഭവനം ആശീർവദിച്ച് താക്കോൽ കൈമാറി. റവ. ഡോ. എ. ആർ. ജോൺ, പ്രൊഫ. സുജ കുമാരി, പ്രൊഫ. ബേബി കെ. പോൾ, ഫാ. എബിൻ സ്റ്റാൻലി, ഹെൽപിങ് ഹാൻഡ്സ് ഓർഗനൈസേഷൻ ഫൗണ്ടറും ഡയറക്ടറുമായ ശ്രീമതി ജോളി എന്നിവർ ആശംസകളർപ്പിച്ച് സംസാരിച്ചു.
M.touch: നിർധന കുടുംബത്തിന് പുതുഭവനം സമ്മാനിച്ച് മരിയൻ കോളേജിന്റെ കരുതൽ
