അന്താരാഷ്ട്ര വനിതാ ദിനം ആഘോഷിച്ച് തിരുവനന്തപുരം ലത്തീൻ അതിരൂപതയും. അതിരൂപത സാമൂഹ്യ ശുശ്രൂഷ സമിതിയുടെയും, കേരള ലാറ്റിൻ കാത്തലിക്ക് വിമെൻസ് അസോസിയേഷന്റെയും, മത്സ്യ കച്ചവട സ്ത്രീ ഫോറത്തിന്റെയും നേതൃത്വത്തിൽ വെള്ളയമ്പലം ടി എസ് എസ് എസ് ഹാളിൽ നടന്ന വനിതാ ദിനാചാരണത്തിൽ രാജ്യസഭാ എം പി, ശ്രീമതി ജെബി മെയ്ത്തർ ഉത്ഘാടകയായെത്തി. ഒരേ സമയം പലവിധ ഉത്തരവാദിത്വങ്ങൾ വഹിക്കുന്ന സ്ത്രീകൾക്ക് വെല്ലുവിളികളെ കരുത്തോടെ നേരിടാൻ സാധിക്കുമെന്നും മുന്നിലുണ്ടാകുന്ന പ്രതിസന്ധികളെ പുഞ്ചിരിച്ചുകൊണ്ട് തരണം ചെയ്ത് സമൂഹത്തിന്റെ മുഖ്യധാരയിലെത്താൻ ഏതൊരു സ്ത്രീക്കും സാധിക്കുമെന്നും ജെബി മെയ്ത്തർ പറഞ്ഞു. ലോകത്തിലെ തന്നെ ഏറ്റവും മഹത്തമമായ ഇന്ത്യൻ ഭരണഘടന പോലും ഇന്ന് വെല്ലുവിളികൾ നേരിടുന്ന സാഹചര്യമാണ് നിലനിൽക്കുന്നത്. സ്ത്രീ സ്വാതന്ത്ര്യത്തിലേക്കുള്ള കടന്നുകയറ്റവും ഇന്നത്തെ സമൂഹത്തിൽ സാധാരണ സംഭവമായാണ് നിലനിൽക്കുന്നത്. അതുകൊണ്ട് തന്നെ വെല്ലുവിളികളെ തരണം ചെയ്ത് സ്ത്രീകൾ സമൂഹത്തിൽ മുഖ്യധാരയിലേക്ക് കടന്നു വരണമെന്ന് തന്റെ ഉത്ഘാടന സന്ദേശത്തിലൂടെ അദ്ദേഹം പങ്കുവച്ചു.
അതിരൂപതയുടെ കരുത്ത് ജനങ്ങളും ജനങ്ങളിൽ കരുത്തർ സ്ത്രീകളുമാണെന്ന് പരിപാടിയിൽ അനുഗ്രഹ പ്രഭാഷണം നടത്തിയ അതിരൂപത മെത്രാൻ ഡോ. തോമസ് ജെ നേറ്റോ പറഞ്ഞു. സമൂഹത്തിൽ സ്ത്രീകളെ അംഗീകരിക്കേണ്ടതും ഉൾകൊള്ളേണ്ടതും സ്ത്രീകൾ തന്നെയാണെന്നും സ്ത്രീധന നയം സമൂഹത്തിൽ നിന്നും തുടച്ചു നീക്കപ്പെടണമെന്നും അദ്ദേഹം പറഞ്ഞു.
ജീവൻ ജ്യോതി ക്ഷേമ പദ്ധതിയിൽ അംഗങ്ങളായവരുടെ മക്കളായ പത്താം ക്ലാസ്സ്, പ്ലസ് ടു പരീക്ഷകളിൽ ഉന്നത വിജയം കരസ്തമാക്കിയ ഏഴു വിദ്യാർഥിനികൾക്ക് അതിരൂപത മെത്രാൻ ഡോ. തോമസ് ജെ നേറ്റോ ക്യാഷ് അവാർഡും മൊമെന്റോയും നൽകി ആദരിച്ചു. ഭിന്നശേഷിക്കാരായ കുഞ്ഞുങ്ങളുള്ള അമ്മമ്മാരെയും, ഫെറോന തലത്തിൽ ഏറ്റവും മാതൃകാപരമായ മത്സ്യ വിപണന രംഗത്ത് മികവ് തെളിയിച്ച മത്സ്യക്കച്ചവട ഫോറം അംഗങ്ങളെയും എം. പി ജെബി മെയ്ത്തർ പൊന്നാട അണിയിച്ച് ആദരിച്ചു.
വിവിധ തൊഴിൽ സംരംഭക രംഗങ്ങളിൽ മികവ് തെളിയിച്ച സ്ത്രീകളെയും ആദരിച്ചു.
കുടുംബത്തിലും സമൂഹത്തിലും സ്ത്രീകൾക്ക് ഏർപ്പെടുത്തിയിരിക്കുന്ന പരിമിതികളെ വിഭജിച് പുറത്തുവരുന്നിടത്താണ് യഥാർത്ഥ സ്ത്രീ സ്വാതന്ത്ര്യം സാഭല്യമാകുന്നതെന്നും വൈവിധ്യമായ മേഖലകളിൽ സ്ത്രീകൾ വ്യെക്തിമുദ്ര പതിപ്പിക്കുന്നവരാണ് സ്ത്രീകളെന്നും കെ.എൽ.സി.ഡബ്ല്യൂ.എ പ്രസിഡന്റ്, ശ്രീമതി ജോളി പത്രോസ് പറഞ്ഞു.
എല്ലാവിധമായ പുത്തൻ ആശയങ്ങളും സാങ്കേതിക വിദ്യയും ലിംഗസമത്വത്തിനായി പ്രയോജനപ്പെടുത്തുക ക്രമപ്പെടുത്തുക, എന്ന വിഷയത്തെ ആസ്പതമാക്കി ആൾ സെയിന്റ്സ് കോളേജ് ബോട്ടണി വിഭാഗം മേധാവി, ഡോ. സിന്ധ്യ ക്രിസ്റ്റഫർ സംസാരിച്ചു. മുൻ എസ് എച്ച് ജി പ്രസിഡന്റ് ലിമാ സുനിൽ അധ്യക്ഷത വഹിച്ച പരിപാടിയിൽ എസ് എച്ച് ജി കോഡിനേറ്റർ ശ്രീമതി ബബിത മിറിയം ജേക്കബ്, ടി എസ് എസ് എസ് ജെൻഡർ കോഡിനേറ്റർ സിസ്റ്റർ മേരി പണിക്കശ്ശേരി എന്നിവരും സംസാരിച്ചു.
