പുല്ലുവിള: പുല്ലുവിള ഫെറോന വിദ്യാഭ്യാസ ശുശ്രൂഷ ആഭിമുഖ്യത്തിൽ UP, HS, HSS, Degree എന്നീ വിഭാഗങ്ങളെ ഉൾപ്പെടുത്തി നവംബർ 11 ശനിയാഴ്ച കരുംകുളം ഇടവകയിൽ വച്ച് QUIZOPEDIS-2023 എന്നപേരിൽ ക്വിസ് മത്സരം സംഘടിപ്പിച്ചു. ഫെറോനയിലെ 11 ഇടവകകളിൽ നിന്നുള്ള കുട്ടികൾ മത്സരത്തിൽ പങ്കെടുത്തു.
ക്വിസ് മാസ്റ്ററായി ഫാ. ഷിജിൻ മത്സരങ്ങൾക്ക് നേതൃത്വം നൽകി. മത്സരത്തിൽ കരുംകുളം ഇടവക ഒന്നാം സ്ഥാനവും, പുല്ലുവിള രണ്ടാം സ്ഥാനവും, ലൂർദുപുരം മൂന്നാം സ്ഥാനവും കരസ്ഥമാക്കി. ഫെറോന വിദ്യാഭ്യാസ കോ-ഓർഡിനേറ്റർ ഫാ. പ്രദീപ് ജോസഫ്, ആനിമേറ്റർ ശ്രീമതി മേരി ത്രേസ്യ മൊറായിസ് എന്നിവരുടെ സാന്നിധ്യത്തിൽ ഒന്നും, രണ്ടും, മൂന്നും സ്ഥാനം കരസ്ഥമാക്കിയ ടീമുകൾക്ക് ക്യാഷ് പ്രൈസ്സും എവർ റോളിംഗ് ട്രോഫിയും നൽകി.
